Курс валютпокупкапродажа
USD352.02354.74
EUR414.32418.7
RUR5.35.41
www.kurs.kz
 


 



Найти
 
 


Перспектыўныя праекты ў сферы ВТС паміж Беларуссю і ААЭ абмеркаваныя ў Абу-Дабі


Пра гэта паведаміў прадстаўнік Дзяржкамваенпрама Уладзімір Лаўранюк.
Старшыня Дзяржаўнага ваенна-прамысловага камітэта Беларусі генерал-маёр Алег Двігалёў на 3-й міжнароднай выставе беспілотных сістэм і трэнажораў UMEX/MST 2018 у Абу-Дабі правёў шэраг сустрэч і перамоў, у прыватнасці з начальнікам генеральнага штаба Узброеных сіл ААЭ генерал-лейтэнантам шэйхам Хамадам Мухамадам Тані аль-Румейсі, кіраўніцтвам генеральнага штаба Узброеных сіл ААЭ.

На сустрэчах абмяркоўваліся пытанні рэалізацыі наяўных і перспектыўных праектаў у галіне ваенна-тэхнічнага супрацоўніцтва, у якіх бакі могуць дасягнуць практычных вынікаў.

"Падчас выставы прадстаўнікамі беларускіх прадпрыемстваў таксама быў праведзены цэлы шэраг выніковых перамоў", — сказаў Лаўранюк.

Паводле яго слоў, на UMEX 2018 Беларусь прадэманстравала свае магчымасці адначасова ў дзвюх перспектыўных галінах — тэхналогіях стварэння і вытворчасці беспілотных авіяцыйных комплексаў рознага прызначэння і сістэм эфектыўнай барацьбы з імі (сістэмы і сродкі радыёэлектроннай барацьбы пад спецыяльнае праграмна-тэхнічнае ўздзеянне на апаратуру беспілотнага лятальнага апарата), "якія на Блізкім Усходзе яшчэ называюць залатым сплавам тэхналогій".

Акрамя таго, на беларускай экспазіцыі былі паказаныя магчымасці айчыннага абароннага сектара эканомікі па распрацоўцы і вытворчасці сродкаў радыёлакацыі, а таксама тэхналогіі стварэння праграмнага забеспячэння аўтаматычных сістэм кіравання БЛА і сродкі навучання аператараў БЛА.

Падчас афіцыйнай цырымоніі адкрыцця выставы і агляду яе экспазіцыі дэлегацыя высокапастаўленых службовых асобаў на чале з наследным прынцам эмірата Абу-Дабі намеснікам вярхоўнага галоўнакамандуючага Узброенымі сіламі ААЭ шэйхам Мухамадам бен-Заедам аль-Нахаянам наведала беларускую экспазіцыю, дзе азнаёмілася з узорамі прадукцыі.

Мерапрыемствы ў Абу-Дабі прайшлі 25—27 лютага.

Вячаслаў Будкевіч, БелаПАН
Мінск, 3 сакавіка 2018
 
Дата публикации:03.03.2018
Тематика:Товары из Беларуси, Разное
Просмотров:206
 
Ключевые слова:
UMEX-2018 Вооружение Беспилотник Инновации
 
 


Комментарии



 



Другие новости по этой теме