Курс валютпокупкапродажа
USD363365.41
EUR409.87412.87
RUR5.45.48
www.kurs.kz
 


 



Найти
 
 


Лінейку электравеласіпедаў прадставяць беларускія вучоныя на выстаўцы ў НАН у жніўні


Аб гэтым паведаміў начальнік камерцыйнага аддзела ААТ "Прыборабудаўнічы завод "Аптрон" НАН Беларусі Андрэй Падабед.
Лінейку электравеласіпедаў прадставяць беларускія вучоныя на выстаўцы ў Нацыянальнай акадэміі навук у канцы жніўня.

"Цяпер мы рыхтуем лінейку электравеласіпедаў. Плануем прадставіць яе на выстаўцы ў будынку Прэзідыума Нацыянальнай акадэміі навук Беларусі ў канцы жніўня. Прэзентуем гарадскі электравеласіпед, электравеласіпеды на базе складных рам, жаночыя. У лінейцы будуць мадэлі, якія адрозніваюцца памерамі і прызначэннем", - сказаў Андрэй Падабед.

ААТ "Прыборабудаўнічы завод "Аптрон" НАН Беларусі пад заказ вырабляе камплекты матор-колаў для электравеласіпедаў, але сам айчынны індывідуальны электратранспарт яшчэ не паступіў у продаж.

На заводзе была праведзена мадэрнізацыя матор-кола для лёгкіх транспартных сродкаў, распрацаваны новы блок кіравання і праграмнае забеспячэнне. Менавіта на базе гэтага матор-кола і распрацоўваецца айчынны індывідуальны электратранспарт: электравеласіпеды, электраскутары, электрасамакаты, электраматацыклы, электраквадрацыклы. Цяпер на заводзе рыхтуюць зборачны цэх, і, пасля таго як вырабы пройдуць выпрабаванні і сертыфікацыю, плануецца пачаць серыйную вытворчасць.

2 жніўня 2018, Мінск
БЕЛТА
 
Дата публикации:02.08.2018
Тематика:Товары из Беларуси, Разное
Просмотров:13
 
Ключевые слова:
Электротранспорт Модернизация Технологии Инновации
 
 


Комментарии



 



Другие новости по этой теме