https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Першая віртуальная выстаўка Made in Belarus адкрыецца 16 чэрвеня


Першая віртуальная выстаўка беларускіх вытворцаў Made in Belarus адкрыецца 16 чэрвеня. Аб гэтым паведаміў дырэктар УП «Белінтэрэкспа» БелГПП Яўген Увядзенскі.
«Бачачы цікавасць да анлайн-рэсурсаў, мы вырашылі вывучыць гэта пытанне і паглядзець, якія рашэнні і падыходы існуюць на цяперашні момант у свеце. Паразмаўлялі з нашымі беларускімі прадпрыемствамі і вырашылі запусціць першую віртуальную выстаўку айчынных вытворцаў Made in Belarus, прысвечаную сельскагаспадарчай і харчовай прадукцыі. Мерапрыемства плануецца адкрыць 16 чэрвеня», — адзначыў кіраўнік прадпрыемства.

Выстаўка будзе ўяўляць сабой віртуальную платформу, якая складаецца са стэндаў прадпрыемстваў, прадстаўленых на двух павільёнах. На кожным стэндзе будзе відэапрывітанне ад кампаніі-ўдзельніцы, віртуальныя экспанаты, розныя дзелавыя прапановы ў фарматах дакументаў і выяў, а таксама кантактная інфармацыя. Будзе працаваць чат, з дапамогай якога супрацоўнікі кампаній змогуць паразмаўляць з усімі наведвальнікамі выстаўкі.

«Мы разлічваем на не менш за 5 тыс. наведвальнікаў з 10 краін: Азербайджана, Арменіі, Беларусі, Грузіі, Казахстана, Кыргызстана, Расіі, Таджыкістана, Узбекістана і Украіны. У час выстаўкі будзе праведзены міжнародны аграрны анлайн-форум, дзе прадпрыемствы, што займаюцца сельскай гаспадаркай і прадуктамі харчавання, абмяркуюць пытанні, з якімі цяпер сутыкнулася галіна як у частцы вытворчасці, так і збыту прадукцыі», — расказаў Яўген Увядзенскі.

Платформа віртуальнай выстаўкі будзе працаваць на працягу месяца, што, на думку арганізатараў, дасць магчымасць наведаць яе ўсім зацікаўленым.

Made in Belarus — гэта брэнд, які ўжо зарэкамендаваў сябе. У рамках гэтага праекта праведзена амаль 200 мерапрыемстваў у 60 краінах свету, у якіх паўдзельнічала некалькі тысяч айчынных прадпрыемстваў. У мінулым годзе на гэтых мерапрыемствах заключаны кантракты на суму больш за $ 217 млн.

Звязда, 16 траўня 2020
 
Дата публикации:16.05.2020
Тематика:Товары из Беларуси, Разное
Просмотров:400
 
Ключевые слова:
Made in Belarus Онлайн-выставка Купляйце беларускае Технологии
 
 


Комментарии



 



Другие новости по этой теме