https://www.kurs.kz/ - Курсы валют в обменных пунктах г. Алматы и других городах Казахстана
 


 


Найти
 
 


Праз каранавірус БЧ адмяняе цягнікі ў Польшчу


Пра гэта паведамляе прэс-служба Беларускай Чыгункі.
У сувязі з сітуацыяй, якая выклікана каранавірусам COVID-19, Польшча спыняе міжнародныя чыгуначныя зносіны. На падставе гэтага факту чыгуначная адміністрацыя Польшчы апавясціла аб часовым прыпыненні курсавання цягнікоў беларускага фарміравання. 

Адмяняюцца і часова курсаваць не будуць:

* цягнікі № 126/125 і 128/127 Брэст-Варшава-Брэст адпраўленнем з Варшавы і Брэста з 15 сакавіка;
* цягнік № 304/303 Кракаў-Гродна адпраўленнем з Кракава і Гродна з 15 сакавіка;
* цягнікі №119/120, 121/122 і 123/124 Брэст-Цярэспаль-Брэст адпраўленнем з Брэста і Цярэспаля з 15 сакавіка.

Нявыкарыстаныя праязныя дакументы на адмененыя цягнікі можна будзе вярнуць у білетных касах без збірання дадатковых плат і збораў. Вяртанне грашовых сродкаў будзе адбывацца на падставе праязных дакументаў (білетаў).

Вяртанне правазных плацяжоў па электронных праязных дакументах ажыццяўляецца праз інтэрнэт-рэсурс, на якім быў набыты праязны дакумент.

Тэрміны вяртання праязных дакументаў не абмежаваныя.

Аб аднаўленні руху цягнікоў і бесперасадачных вагонаў будзе абвешчана дадаткова.

Звязда, 14 сакавіка 2020
 
Дата публикации:14.03.2020
Тематика:Транспорт, Разное
Просмотров:53
 
Ключевые слова:
Беларуская чыгунка Польша Коронавирус
 
 


Комментарии



 



Другие новости по этой теме