https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Макей заклікаў ганаровых консулаў прасоўваць інтарэсы Беларусі


Міністр замежных спраў сустрэўся з дыпламатамі і заклікаў іх у поўнай меры выконваць функцыю "маста" паміж краінамі.
Міністр замежных спраў Уладзімір Макей сустрэўся ў пятніцу з кіраўніцтвам і сябрамі "Таварыства ганаровых консулаў", паведамілі ў прэс-службе знешнепалітычнага ведамства.

Па словах Макея, для прасоўвання нацыянальных інтарэсаў і развіцця ўзаемавыгаднага супрацоўніцтва з замежнымі краінамі МЗС Беларусі імкнецца задзейнічаць увесь дыпламатычны інструментар, уключаючы інстытут Ганаровых консулаў.

Міністр запэўніў дыпламатаў, што МЗС працягне аказваць ім усялякае садзейнічанне ў прадстаўленні ў рэспубліцы інтарэсаў краін, якія іх прызначылі.

Пры гэтым кіраўнік беларускага знешнепалітычнага ведамства асабліва падкрэсліў, што праца ганаровых консулаў заслугоўвае па-сапраўднаму высокай адзнакі тады, калі яны ў поўнай меры выконваюць функцыю "маста" паміж дзвюма краінамі.

Макей заклікаў ганаровых консулаў з аднолькавай аддачай прасоўваць эканамічныя інтарэсы Беларусі ў дзяржавах, якія яны прадстаўляюць, а таксама садзейнічаць развіццю гуманітарнага, культурнага і навуковага супрацоўніцтва, уносячы тым самым важкі ўклад ва ўмацаванне палітычных сувязяў.
________________________________________

Ганаровы консул — гэта асоба, якая не знаходзіцца на дзяржаўнай службе, якой Міністэрства замежных спраў адпаведнай краіны па ўзгадненні з дзяржавай знаходжання даручае выкананне асобных консульскіх функцый на тэрыторыі гэтай дзяржавы, растлумачылі ў МЗС. У Беларусі ў цяперашні час акрэдытавана 27 ганаровых консулаў замежных дзяржаў, якія прадстаўляюць 12 дзяржаў Еўропы, 3 — Блізкага Усходу, 7 — Лацінскай Амерыкі, 2 — ЕАЭС, 2 — Паўднёва-Усходняй Азіі, 1 — Афрыкі. Беларускія ганаровыя консулы, у сваю чаргу, працуюць у 53 замежных дзяржавах. 

Мінск, 14 студзеня 2017
Sputnik
 
Дата публикации:14.01.2017
Тематика:Товары из Беларуси, Дипломатия
Просмотров:925
 
Ключевые слова:
Почётный консул Товарооборот
 
 


Комментарии



 



Другие новости по этой теме