https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Пастаянны прадстаўнік Беларусі пры Арганізацыі па бяспецы і супрацоўніцтве ў Еўропе Андрэй Дапкюнас сустрэўся 9-га красавіка з генеральным сакратаром АБСЕ Хельгай Шмід


Аб гэтым паведамілі ў беларускім пастаянным прадстаўніцтве ў Вене.
Беларускі дыпламат і кіраўнік cакратарыята АБСЕ абмяняліся думкамі аб бягучым стане спраў у арганізацыі і абмеркавалі магчымыя шляхі ўзмацнення ролі АБСЕ і павелічэння ўплыву арганізацыі на працэсы, якія адбываюцца на еўрапейскім кантыненце.

Кіраўнік беларускай місіі пры АБСЕ адзначыў, што сур`ёзны крызіс даверу на еўразійска-атлантычнай прасторы сёння не дазваляе ў поўнай меры выкарыстоўваць існуючыя інструменты АБСЕ для развіцця больш шырокага і дружалюбнага міждзяржаўнага супрацоўніцтва.

На думку Андрэя Дапкюнаса, толькі аднаўленне даверу праз мэтанакіраваныя намаганні кіраўнікоў дзяржаў і дыпламатаў як у АБСЕ, так і ў рамках двухбаковых міждзяржаўных кантактаў дазволіць эфектыўна прадухіляць эскалацыю напружанасці ў рэгіёне АБСЕ і паступова аднаўляць дзейсныя механізмы супрацоўніцтва ў галіне ваенна-палітычнага, эканоміка-экалагічнага і чалавечага вымярэнняў бяспекі.
___________________________________________
АБСЕ - буйнейшая рэгіянальная міжнародная арганізацыя, якая займаецца пытаннямі бяспекі. Штаб-кватэра арганізацыі знаходзіцца ў Вене (Аўстрыя). У склад АБСЕ ўваходзяць 57 дзяржаў-удзельніц. Вытокі арганізацыі ўзыходзяць да Канферэнцыі па бяспецы і супрацоўніцтве ў Еўропе (1973-1975 гады) і Хельсінкскага заключнага акта, прынятага ў 1975 годзе. У 1995 годзе канферэнцыя перайменавана ў Арганізацыю па бяспецы і супрацоўніцтве.

9 красавіка 2021, Мінск
Аліна Грышкевіч - БЕЛТА
 
Дата публикации:09.04.2021
Тематика:Новости, Дипломатия
Просмотров:252
 
Ключевые слова:
ОБСЕ Международное сотрудничество
 
 


Комментарии



 



Другие новости по этой теме