https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Аляксандр Лукашэнка 20—21 лiпеня наведае Украіну з афіцыйным візітам


Пра гэта паведамляе прэс-служба прэзідэнта Беларусі.
Праграмай візіту запланаваныя яго перамовы з прэзідэнтам Украіны Пятром Парашэнкам, якія пройдуць у фармаце "сам-насам" і ў пашыраным складзе.

"Кіраўнікі дзяржаў абмяркуюць развіццё палітычнага, гандлёва-эканамічнага і гуманітарнага супрацоўніцтва паміж Беларуссю і Украінай. Асноўная ўвага будзе надавацца бягучаму стану і перспектывам ўзаемадзеяння ў эканоміцы, у тым ліку ў такіх сферах, як гандаль, інвестыцыі, прамысловая кааперацыя, нафтахімічны комплекс, энергетыка, сельская гаспадарка, транспартна-лагістычная галіна, развіццё міжрэгіянальнага дыялогу. Плануецца таксама ўзгадніць падыходы да далейшага развіцця прыгранічнага супрацоўніцтва", — паведамляе прэс-служба.

Адной з тэм сустрэчы, адзначылі ў прэс-службе, "стане ўрэгуляванне канфлікту на ўсходзе Украіны, у чым Беларусь актыўна ўдзельнічае, падаючы перамоўную пляцоўку для бакоў працэсу".

Лукашэнка і Парашэнка абмяркуюць сітуацыю ў рэгіёне ў цэлым, абмяняюцца думкамі па міжнароднай праблематыцы.

Чакаецца, што па выніках перамоў у прысутнасці лідараў дзвюх краін будзе падпісаны шэраг дакументаў, якія тычацца супрацоўніцтва ў эканоміцы, навукова-тэхнічнай галіне, а таксама ў сферах культуры і міжнацыянальных адносін.

БелаПАН
Мінск, 19 ліпеня 2017
 
Дата публикации:19.07.2017
Тематика:Новости, Дипломатия
Просмотров:640
 
Ключевые слова:
Беларусь-Украина Приграничное сотрудничество Товарооборот
 
 


Комментарии



 



Другие новости по этой теме