https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


У МЗС расказалі падрабязнасці сустрэчы Макея з прадстаўнікамі грамадзянскай супольнасці Літвы


Неабходнасць выбудоўвання канструктыўнага дыялогу паміж Беларуссю і Літвой падкрэслена на сустрэчы міністра замежных спраў Уладзіміра Макея з прадстаўнікамі грамадзянскай супольнасці Літвы, паведамілі ў прэс-службе знешнепалітычнага ведамства.
"Удзельнікі падрабязна абмеркавалі актуальны стан беларуска-літоўскіх адносін, значныя пытанні і праблемныя аспекты двухбаковага ўзаемадзеяння. Асаблівая ўвага ўдзелена гуманітарнаму складніку, развіццю кантактаў у сферы культуры, паміж грамадзянамі дзвюх краін і прадстаўнікамі грамадзянскай супольнасці", - сказалі ў прэс-службе.

У МЗС падкрэслілі: у час сустрэчы было выказана ўзаемнае імкненне да зняцця перашкод на шляху да нармальных міжчалавечых зносін, якія садзейнічаюць развіццю дзелавых кантактаў, вырашэнню надзённых пытанняў і росту дабрабыту людзей.

"Закрануты тэмы рэалізацыі сумесных праектаў на ўзроўні грамадскіх дзеячаў Беларусі і Літвы. Падкрэслена неабходнасць выбудоўвання канструктыўнага дыялогу паміж дзвюма суседнімі дзяржавамі як бясспрэчная ўмова ўстойлівага развіцця ўсяго рэгіёна", - адзначылі ў міністэрстве.

Дэлегаты прадстаўляюць розныя сферы жыцця літоўскага грамадства, сярод іх ёсць палітычныя, творчыя дзеячы, кіраўнікі дабрачынных арганізацый, прадстаўнікі блогерскай супольнасці.

Праграмай візіту запланаваны перагаворы з прадстаўнікамі беларускай грамадзянскай супольнасці, дэпутацкім корпусам, а таксама сустрэчы ў дзяржаўных органах краіны.

18 студзеня 2022, Мінск
БЕЛТА
 
Дата публикации:18.01.2022
Тематика:Новости, Дипломатия
Просмотров:378
 
Ключевые слова:
Литва Сотрудничество
 
 


Комментарии



 



Другие новости по этой теме