На сустрэчы таксама прысутнічалі ўдзельнікі рэгіянальнай нарады паслоў Францыі ў краінах СНД і Грузіі. Са свайго боку Уладзімір Макей закрануў тэматыку беларуска-французскіх адносін, азнаёміў удзельнікаў сустрэчы са знешнепалітычнымі і знешнеэканамічнымі прыярытэтамі Беларусі на сучасным этапе, падрабязна спыніўшыся на пытаннях адносін з ЕС, супрацоўніцтва ў рамках СНД і Еўразійскага эканамічнага саюза.

Як паведамлялася раней, у Мінску таксама прайшлі беларуска-французскія кансультацыі паміж міністэрствамі замежных спраў. Беларусь на іх прадстаўляла намеснік міністра замежных спраў Алена Купчына, а з боку Францыі ў іх прымаў удзел Эрык Фурнье.

31 кастрычніка 2014, Мінск
БЕЛТА