https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Пасол Расіі ўшанаваў у Мінску памяць герояў Першай сусветнай вайны


Сёння споўнілася роўна 105 гадоў з моманту ўступлення Расіі ў Першую сусветную вайну.
Мы бачым, як у Беларусі беражліва захоўваюць памяць загінулых у гады Першай сусветнай вайны, сказаў пасол Расіі Дзмітрый Мезенцаў падчас урачыстай цырымоніі.

Паводле яго слоў, сёння - дзень памяці, звязаны са 105-й гадавінай пачатку Вялікай вайны, падчас якой выявілася мужнасць і гераізм Айчыны.

"Сёння мы тут абавязаны аддаць даніну памяці воінам, якія пахаваныя на Мінскіх брацкіх мемарыяльных вайсковых могілках", - адзначыў кіраўнік расійскай дыпмісіі.

Дзмітрый Мезенцаў нагадаў, што могілкі былі створаны ў лістападзе 1914 года. "Тут знайшлі спачын воіны, якія лячыліся ў шпіталях і медыцынскіх цэнтрах, якія былі разгорнутыя ў Мінску", - расказаў дыпламат.

Абаронцам Айчыны аказвалі дапамогу сотні ўрачоў і медработнікаў на беларускай зямлі. Гэтым самым быў паказаны асаблівы добразычлівы дух беларускага народа.

"Сёння на беларускай зямлі мы хочам пакланіцца тым людзям, хто абараняў нашу радзіму", - падкрэсліў Мезенцаў.

Пасля чаго ён выказаў словы падзякі прэзідэнту Беларусі Аляксандру Лукашэнку, які ў свой час падтрымаў просьбу Патрыяршага экзарха ўсяе Беларусі мітрапаліта Філарэта аднавіць Мінскія брацкія могілкі.

"Мы бачым, з якой велізарнай павагай ставіцца сталіца Беларусі да гэтага пахавання. Мы бачым, у якім парадку яны ўтрымліваюцца, і можам чытаць імёны людзей, якіх няма з намі, але чый подзвіг па-свойму бессмяротны", - заявіў Мезенцаў. Пасля чаго заклікаў схіліць галовы перад тымі, хто загінуў на вайне. Затым у капліцы адслужылі малебен у памяць пра тых, хто загінуў у гады вайны і ўсклалі кветкі на мемарыяльных могілках.

Мінск, 1 жніўня 2019
Sputnik
 
Дата публикации:01.08.2019
Тематика:Культура, Дипломатия
Просмотров:355
 
Ключевые слова:
Первая мировая война
 
 


Комментарии



 



Другие новости по этой теме