https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Беларусь у сучасных умовах апынулася паміж двума буйнымі геапалітычнымі ігракамі, якія знаходзяцца ў стане варожасці


Гэты факт у інтэрв`ю тэлеканалу Euronews адзначыў міністр замежных спраў Беларусі Уладзімір Макей.
Тэкст інтэрв`ю размешчаны на сайце беларускага знешнепалітычнага ведамства.

"На жаль, сёння мы знаходзімся паміж двума буйнымі геапалітычнымі ігракамі: з аднаго боку - Расія, з іншага - Еўрапейскі саюз. Інакш кажучы, на сённяшні момант мы апынуліся паміж двух вялікіх агнёў, якія знаходзяцца, скажам так, у стане варожасці. Мы церпім ад гэтага. Таму што беларуская эканоміка з`яўляецца экспартна арыентаванай. Мы залежым ад сітуацыі на замежных рынках і хацелі б мець нармальныя гандлёвыя адносіны з Усходам і Захадам, з Поўначчу і Поўднем", - заявіў міністр.

Паводле яго слоў, Беларусь церпіць ад сітуацыі, калі Расія і ЕС прымяняюць узаемныя санкцыі.

"Расія - наш ключавы партнёр. Мы шмат чаго дасягнулі ў адносінах з Расіяй: створана адзіная прастора ад Брэста да Уладзівастока, забяспечваюцца роўныя правы для грамадзян дзвюх краін. Гэта галоўнае: роўныя правы для нашых грамадзян, у тым ліку права на адукацыю, на працу, некаторыя сацыяльныя правы і гэтак далей, - сказаў Уладзімір Макей. - З эканамічнага пункту гледжання сёння мы моцна залежым ад Расіі. Менавіта таму перад намі стаіць задача дыверсіфікаваць адносіны, у першую чаргу эканамічныя. Еўрасаюз - наш другі па значнасці эканамічны партнёр пасля Расіі".

"Мы хочам захаваць добрыя адносіны з Расіяй. З іншага боку, мы хацелі б мець больш развітыя, цесныя адносіны з Еўрасаюзам. Гэта наша мэта, і мы актыўна працуем над яе дасягненнем. Пры гэтым мы лічым, што немагчыма забяспечваць стабільнасць тут, у Беларусі, без Расіі або за кошт Расіі. Таму мы не прызнаём пытання "З кім вы сёння: з Расіяй або з Еўрапейскім саюзам?", а хочам падтрымліваць добрыя адносіны і з Расіяй, і з Еўрасаюзам. Мы разумеем, што гэта наш лёс, ад гэтага залежыць далейшае развіццё нашай дзяржавы", - падкрэсліў міністр.

Ён дадаў, што Беларусь хацела б знайсці разумны пазітыўны баланс у адносінах з Расіяй і ЕС, а таксама іншымі заходнімі краінамі. "Час ад часу ўзнікаюць пэўныя праблемы ў адносінах з Расіяй, якія маюць пераважна эканамічны характар. Часта гэтыя праблемы з`яўляюцца штучна створанымі, але мы прадаўжаем дыялог з расійскімі партнёрамі і заўсёды знаходзім рашэнне", - адзначыў кіраўнік беларускага знешнепалітычнага ведамства.

Уладзімір Макей таксама пракаменціраваў той факт, што часам у краінах Захаду Беларусь лічаць часткай расійскай палітыкі. "Але я хацеў бы падкрэсліць, што мы з`яўляемся незалежнай дзяржавай, маладой суверэннай дзяржавай, і мы заўсёды будзем дзейнічаць у адпаведнасці з нашымі нацыянальнымі інтарэсамі. Безумоўна, мы бяром пад увагу меркаванне еўрапейскіх і расійскіх партнёраў, але мы заўсёды будзем прымаць рашэнні ў адпаведнасці з нашымі нацыянальнымі інтарэсамі. Можна ўспомніць шэраг фактаў з мінулага, калі мы займалі сваю пазіцыю па многіх спрэчных пытаннях, як у адносінах з Украінай або іншымі дзяржавамі рэгіёна", - рэзюмаваў міністр.

9 красавіка 2018, Мінск
БЕЛТА
 
Дата публикации:09.04.2018
Тематика:Бизнес, Дипломатия
Просмотров:663
 
Ключевые слова:
Экспорт Геополитика Евросоюз Россия Товарооборот
 
 


Комментарии



 



Другие новости по этой теме