https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


У ЗША каталіцкі святар выйграў конкурс піваварэння


Пра гэта паведамляе Star Telegramm.
Не, гэты святар не мае нямецкіх каранёў. Але ён цікавіцца традыцыяй піваварэння айцоў трапістаў, якія займаюцца гэтай справай з часоў Сярэднявечча.

Ксёндз Джэф Пуаро, пробашч касцёла Святой Сям’і з Форт-Уорта ў ЗША, здабыў перамогу ў Нацыянальным конкурсе хатняга піваварэння ў Мінесоце. 

«Гэта ўсяго толькі хобі, якое мне ўдаецца. Але я ніколі не хацеў, каб яно перашкаджала мне ў святарскім служэнні», — прызнаецца 43-гадовы святар.

Піва святар варыць у сваім гаражы з сябрам і парафіянінам Нікам МакКоем — па аўторках, у вольны ад душпастырскіх спраў час.

У гэтым годзе іх дуэт перамог у двух намінацыях, у тым ліку як лепшы «Бельгійскі і трапісцкі эль». Каталіцкія півавары набралі ў суме больш за ўсіх балаў і выйгралі конкурс. У спаборніцтве прымала ўдзел больш за 8 600 розных гатункаў піва ў 33 катэгорыях.

Цікавасць да традыцый піваварэння трапістамі разам з сябрам святар паглыбляе на месцы: ужо некалькі разоў яны наведвалі піваварні пры трапісцкіх кляштарах, у тым ліку і абацтва Вествлетэрэн у Бельгіі, адкуль паходзіць і гатунак піва Westvleteren 12, якое лічыцца адным з лепшых у свеце.

catholic.by, 19 ліпеня 2017
 
Дата публикации:19.07.2017
Тематика:Культура, В мире
Просмотров:635
 
Ключевые слова:
Пивоварение Христианство США Конкурс
 
 


Комментарии