Стаўка будзе зроблена на моладзь Саюзнай дзяржавы. Маштабны праект падтрымаў прэзідэнт Расіі Уладзімір Пуцін.
Інтэграцыя з Расійскай Федэрацыяй, паводле ацэнкі экспертаў, адкрывае новыя магчымасці для сістэмы адукацыі ў Беларусі. Адна з задач – ліквідаваць залежнасць ад заходніх тэхналогій.
Падрабязнасці расказаў вядучы спецыяліст у галіне інавацыйнай адукацыі, заснавальнік кампаніі "РОББО" Павел Фралоў у мультымедыйным прэс-цэнтры Sputnik Беларусь.
У Маскве 20 ліпеня на форуме "Сильные идеи для нового времени" прэзідэнт Расіі Уладзімір Пуцін падтрымаў ідэю аб стварэнні ў беларускіх школах спецыялізаваных класаў па робататэхніцы. Гэта дазволіць нівеліраваць тэхналагічную залежнасць ад Захаду. Стаўка ў глабальным праекце робіцца на моладзь.
"Мы якраз рыхтуем такую інжынерную эліту будучыні, якая будзе разумець, пра што гаворка. Дарослым складана адысці ад старой схемы, калі трэба было плаціць на Захад за тэхналогіі, за праграмнае забеспячэнне", - сказаў Фралоў.
Паводле яго слоў, кампанія распрацавала і развівае ўласную экасістэму бясплатнага адкрытага праграмнага забеспячэння, якая ўключае ў сябе дыстрыбутыў АС GNU/Linux і адкрыты софт для забеспячэння навучальнага працэсу, тэхнічнай творчасці, праграмавання, інжынерных распрацовак і рашэння офісных задач.
"Крытычна важна ў самых адчувальных галінах навукі і тэхнікі быць суверэннымі. Распрацавана суверэнная платформа адукацыйнай тэхнікі. Асаблівасць праекта "РОББО" – у экасістэмным падыходзе да тэхнічнай адукацыі дзяцей. Мы даём школам гатовую інфраструктуру і камплекты метадычных матэрыялаў, распрацаваных у адпаведнасці з міжнароднымі стандартамі STEM-адукацыі", - дадаў Фралоў.
Санкцыям на злосць
На расійскай адукацыйнай платформе ўжо вучыцца больш за 100 тысяч школьнікаў з 28 краін свету. У тым ліку і ў Японіі, якая лічыцца адным з лідараў у плане робататэхнікі. Сёння ва ўмовах санкцый акцэнт было вырашана зрабіць на Расіі і яе стратэгічным партнёры – Беларусі.
Расійскі прадукт ужо вядомы ў Беларусі.
"У рэспубліцы працуем з 2019 года. Мы адкрылі каля 20 школ ва ўсіх рэгіёнах Беларусі. Напрыклад, гэта Лунінец, Жыткавічы, Атоліна, у Мінску каля пяці клубаў і інжынерных інавацыйных класаў на базе сярэдніх школ. Актыўна ўзаемадзейнічаем з вядучымі беларускімі ВНУ. Наш галоўны партнёр БНТУ, працуем па лініі напісання метадычных матэрыялаў для школьнікаў пад патрэбы беларускай адукацыі", - распавёў прадстаўнік кампаніі ў Беларусі Сяргей Балбуцкі.
Цяпер абсталёўваюцца150 сучасных STEM-класаў, якія пачнуць функцыянаваць з 1 верасня.
"На лекцыях школьнікі змогуць стварыць свае першыя камп’ютарныя гульні, мабільныя дадаткі або з галавой пагрузіцца ў стварэнне робатаў", - расказаў прадстаўнік кампаніі ў Беларусі Сяргей Балбуцкі.
Таксама расійскі партнёр узяў на сябе працу па падрыхтоўцы і перападрыхтоўцы беларускіх настаўнікаў, якія маглі б выкарыстоўваць навучальны прадукт з максімальнай аддачай.
"З малодшымі пачынаем з гульнявой робататэхнікі, навучаем выкарыстанню камп'ютара, навучаем алгарытмам на базе гульняў. Далей да 18 гадоў у нас ёсць вучні. Мадэлі, напрыклад, робатаў рабяты распрацоўваюць ад праектавання, раздрукоўкі дэталей на 3D-прынтэры, да зборкі і праграмавання", - сказаў выкладчык сталічнай школы Ян Чычман.
Ад падрыхтоўкі кадраў новага фармату шмат у чым будзе залежаць нацыянальная бяспека.
"Ёсць краіны БРІКС, цяпер далучылася Аргенціна і Іран, яны ўсе хочуць быць інфармацыйна незалежнымі. Кітай паставіў задачу да 1 студзеня 2023 года поўнасцю ва ўсіх дзяржорганах адысці ад замежнага праграмнага забеспячэння і ставіць мэту адысці ад замежнага апаратнага забеспячэння. У Расіі цяпер запускаецца праект "Восток". Гэта праект распрацоўкі ўласнага мікрапрацэсара, камп’ютарнай тэхнікі, пачынаючы ад простых да самых складаных вылічальных прылад", - дадаў Фралоў.
Гэта значыць, новая стратэгія развіцця патрабуе падрыхтоўкі ўласных кадраў, якія не працуюць на замежных платформах у якасці карыстальніка, а ствараюць уласны, унікальны прадукт.
Новая сусветная эліта
"Мы разлічваем атрымаць першы адчувальны вынік ужо ў 2027 годзе, калі юнакі скончаць школу, ВНУ і прыйдуць на прадпрыемствы або запусцяць уласны стартап. Спачатку гэта будзе моцна прыкметна на ўзроўні краіны. Мы чакаем, што новая інжынерная эліта з’явіцца прыкладна да 2035 года", - сказаў Фралоў.
Ён дадаў, што стратэгічная мэта праекта – увайсці ў кожную школу свету, каб прасоўваць айчынныя методыкі і тэхналогіі па ўсёй планеце. Ключавую ролю адыграюць і беларускія спецыялісты. У мінулым годзе на Міжнароднай алімпіядзе па крэатыўным праграміраванні юныя беларусы занялі другое месца ў агульнакамандным заліку сярод 30 краін свету.
Кoличество переходов на страницу: 193
| Версия для печати | Сообщить администратору | Сообщить об ошибке | Вставить в блог |
