У другі дзень спаборніцтваў былі разыграны восем камплектаў узнагарод, адным з фіналаў вечара стаў вырашальны заплыў на стаметроўцы батэрфляем. Напярэдадні з другім часам з паўфіналу прабіўся лідар нашай каманды Ілья Шымановіч, сёння мінчанін паказаў рэзультат 55,91 сек. і дакрануўся да борціка першым, толькі на чатыры сотыя секунды апярэдзіўшы Кірыла Прыгоду з Санкт-Пецярбурга. Золата Ільі - першы медаль беларускай каманды на чэмпіянаце Расіі.

У ранішняй праграме пятніцы ўдзел у папярэдніх заплывах прымалі нашы Іван Шамшурын (100 м батэрфляем), а таксама Уладзіслаў Макарэвіч з Канстанцінам Курачкіным (абодва - 200 м вольным стылем), але нікому з іх прабіцца ў наступную стадыю не ўдалося.

Заўтра раніцай на старт адборачных заплываў у сваіх дысцыплінах выйдуць Шымановіч, Курачкін і Макарэвіч, а таксама дэбютуючы на чэмпіянаце Расіі Дзмітрый Шульга. Турнір у Санкт-Пецярбургу прадоўжыцца па 26 лістапада.

22 лістапада 2024, Мінск
БЕЛТА