Пратэстуючыя прарвалі агароджы і ўвайшлі на тэрыторыю, а затым і ў будынкі парламента, адміністрацыі прэзідэнта і ўрада. Каментуючы гэтыя падзеі, Аслан Бжанія падкрэсліў, што 15 лістапада ў краіне была здзейсненая спроба дзяржаўнага перавароту. «Пратэстуючыя занялі комплекс урадавых будынкаў, пры гэтым нанеслі істотны ўрон будынкам», — заявіў ён. Таксама, паводле яго слоў, пацярпелі людзі, якія атрымалі цяжкія цялесныя пашкоджанні.

Гэтыя дзеянні апазіцыі Аслан Бжанія ацэньвае як неправавыя.

Таксама ён заявіў ТАСС, што, нягледзячы на заявы апазіцыі, застаецца выбраным прэзідэнтам Абхазіі. «Ёсць закон, з пункту гледжання закона я з’яўляюся выбраным прэзідэнтам», — сказаў Аслан Бжанія.

Звязда, 17 лістапада 2024