Азоўскае мора стала унутраным для Расіі, таму Масква дэнансуе дагавор з Украінай аб выкарыстанні мора і Керчанскага праліва, пра гэта заявіў прэс-сакратар прэзідэнта РФ Дзмітрый Пяскоў.

"Па Азоўскім моры – там абсалютна ўсё зразумела: паколькі гэта стала ўнутраным морам Расійскай Федэрацыі, то змяніўся і юрыдычны статус", - сказаў ён.

У чацвер намеснік кіраўніка МЗС РФ Міхаіл Галузін заявіў аб дэнансацыі дагавора з Украінай аб супрацоўніцтве ў выкарыстанні Азоўскага мора і Керчанскага праліва, бо гэтая краіна страціла статус прыбярэжнай дзяржавы.

Ён растлумачыў, што пасля таго, як Данецкая Народная Рэспубліка, Запарожская і Херсонская вобласці ўвайшлі ў склад Расіі, узнікла кардынальна новая сітуацыя вакол Азоўскага мора і Керчанскага праліва – іх берагі цалкам належаць РФ. Па гэтай прычыне Расія спыніла дзеянне дагавора.

Па словах дыпламата, Масква дэнансуе дагавора на падставах, прадугледжаных Венскай канвенцыяй аб праве міжнародных дагавораў 1969 года.

Нагадаем, што ДНР, ЛНР, Херсонская і Запарожская вобласці ўвайшлі ў склад Расіі ў выніку рэферэндуму, які адбыўся ў канцы верасня 2022 года.

Прэзідэнт Расіі Уладзімір Пуцін 5 кастрычніка падпісаў закон аб уваходжанні новых суб’ектаў у склад РФ.

Дагавор паміж Расійскай Федэрацыяй і Украінай аб супрацоўніцтве ў выкарыстанні Азоўскага мора і Керчанскага праліва быў падпісаны ў Керчы 24 снежня 2003 года.

Законапраект аб дэнансацыі дагавора ўнёс у Дзярждуму прэзідэнт Расіі Уладзімір Пуцін 24 мая бягучага года.

Раней 24 лютага 2023 года Вярхоўная рада Украіны прыняла закон аб дэнансацыі дагавора, ён набыў моц 25 сакавіка 2023 года.

Мінск, 1 чэрвеня 2023
Sputnik