Адзінаццаць прэтэндэнтаў на пасаду прэзідэнта Беларусі здалі ў тэрытарыяльныя камісіі больш за 100 тысяч подпісаў выбаршчыкаў.
Як паведаміў БелаПАН сакратар Цэнтрвыбаркама Мікалай Лазавік, найбольшая колькасць подпісаў здадзена ў падтрымку вылучэння кандыдатам у прэзідэнты Аляксандра Лукашэнкі — звыш 1,1 мільёна. Ініцыятыўная група Уладзіміра Някляева перадала ў тэрытарыяльныя камісіі прыкладна 160 тысяч подпісаў, Андрэя Саннікава — прыкладна 150 тысяч, у падтрымку астатніх прэтэндэнтаў — ад 105 да 120 тысяч.
"Здадзена вельмі шмат подпісаў. Праверка пакажа, наколькі добрасумленна працавалі ініцыятыўныя групы", — заявіў сакратар ЦВК.
Паводле слоў Лазавіка, члены тэрытарыяльных камісій паведамлялі, што знаходзілі свае прозвішчы ў падпісных лістах, хоць і не ставілі подпісаў у падтрымку пэўнага прэтэндэнта.
"Магчыма, ініцыятыўныя групы некаторых прэтэндэнтаў працавалі не з выбаршчыкамі, а з базамі даных — напрыклад, тэлефоннымі даведнікамі, спісамі ЖЭС, паліклінік", — выказаў меркаванне Лазавік.
Ён падкрэсліў, што такія выпадкі лёгка выяўляюцца, а таму ініцыятыўным групам, якія працуюць падобным чынам, трэба было проста заявіць пра няздольнасць сабраць неабходную колькасць подпісаў.
Як паведамлялася раней, Цэнтрвыбаркам зарэгістраваў 17 ініцыятыўных груп.
Сяргей Гайдукевіч, Сяргей Рыжоў і Юрый Глушакоў напісалі ў ЦВК афіцыйныя заявы аб адмове ад удзелу ў выбарах.
Яшчэ тры прэтэндэнты — Пётр Барысаў, Сяргей Іваноў і Іван Кулікоў — не здалі подпісы ў тэрытарыяльныя камісіі.
Такім чынам, на гэты момант у выбарчай кампаніі ўдзельнічаюць 11 чалавек:
- намеснік старшыні Партыі БНФ Рыгор Кастусёў;
- дзейны прэзідэнт Аляксандр Лукашэнка;
- кіраўнік саюза "За мадэрнізацыю" Алесь Міхалевіч;
- лідар грамадзянскай кампаніі "Гавары праўду!" Уладзімір Някляеў;
- індывідуальны прадпрымальнік з Віцебска Уладзімір Правальскі;
- намеснік старшыні Аб`яднанай грамадзянскай партыі Яраслаў Раманчук;
- сустаршыня аргкамітэта па стварэнні партыі "Беларуская хрысціянская дэмакратыя" Віталь Рымашэўскі;
- лідар кампаніі "Еўрапейская Беларусь" Андрэй Саннікаў;
- лідар аргкамітэта па стварэнні Беларускай сацыял-дэмакратычнай партыі (Народная Грамада) Мікалай Статкевіч;
- эканаміст Віктар Цярэшчанка;
- дырэктар ТДА "Трывіум" Дзмітрый Ус.
Збор подпісаў за вылучэнне кандыдатаў у прэзідэнты праходзіў з 30 верасня да 29 кастрычніка ўключна.
Згодна з Выбарчым кодэксам, сапраўднасць сабраных подпісаў тэрытарыяльныя выбарчыя камісіі павінны праверыць у 10-дзённы тэрмін.
Пратаколы выбарчых камісій аб устанаўленні колькасці выбаршчыкаў, якія паставілі подпісы ў падтрымку прэтэндэнтаў на пасаду прэзідэнта, павінны быць перададзены ў ЦВК не пазней за 13 лістапада.
Рэгістрацыя кандыдатаў у прэзідэнты пройдзе з 14 па 23 лістапада. Як паведамілі ў Цэнтрвыбаркаме, верагодней за ўсё, усе кандыдаты пройдуць рэгістрацыю ў адзін дзень, што забяспечыць ім аднолькавыя часавыя межы для правядзення агітацыйнай кампаніі.
Выбары прэзідэнта прызначаны на 19 снежня.
Сяргей Каралевіч, БелаПАН
Мінск, 30 кастрычніка 2010
"Здадзена вельмі шмат подпісаў. Праверка пакажа, наколькі добрасумленна працавалі ініцыятыўныя групы", — заявіў сакратар ЦВК.
Паводле слоў Лазавіка, члены тэрытарыяльных камісій паведамлялі, што знаходзілі свае прозвішчы ў падпісных лістах, хоць і не ставілі подпісаў у падтрымку пэўнага прэтэндэнта.
"Магчыма, ініцыятыўныя групы некаторых прэтэндэнтаў працавалі не з выбаршчыкамі, а з базамі даных — напрыклад, тэлефоннымі даведнікамі, спісамі ЖЭС, паліклінік", — выказаў меркаванне Лазавік.
Ён падкрэсліў, што такія выпадкі лёгка выяўляюцца, а таму ініцыятыўным групам, якія працуюць падобным чынам, трэба было проста заявіць пра няздольнасць сабраць неабходную колькасць подпісаў.
Як паведамлялася раней, Цэнтрвыбаркам зарэгістраваў 17 ініцыятыўных груп.
Сяргей Гайдукевіч, Сяргей Рыжоў і Юрый Глушакоў напісалі ў ЦВК афіцыйныя заявы аб адмове ад удзелу ў выбарах.
Яшчэ тры прэтэндэнты — Пётр Барысаў, Сяргей Іваноў і Іван Кулікоў — не здалі подпісы ў тэрытарыяльныя камісіі.
Такім чынам, на гэты момант у выбарчай кампаніі ўдзельнічаюць 11 чалавек:
- намеснік старшыні Партыі БНФ Рыгор Кастусёў;
- дзейны прэзідэнт Аляксандр Лукашэнка;
- кіраўнік саюза "За мадэрнізацыю" Алесь Міхалевіч;
- лідар грамадзянскай кампаніі "Гавары праўду!" Уладзімір Някляеў;
- індывідуальны прадпрымальнік з Віцебска Уладзімір Правальскі;
- намеснік старшыні Аб`яднанай грамадзянскай партыі Яраслаў Раманчук;
- сустаршыня аргкамітэта па стварэнні партыі "Беларуская хрысціянская дэмакратыя" Віталь Рымашэўскі;
- лідар кампаніі "Еўрапейская Беларусь" Андрэй Саннікаў;
- лідар аргкамітэта па стварэнні Беларускай сацыял-дэмакратычнай партыі (Народная Грамада) Мікалай Статкевіч;
- эканаміст Віктар Цярэшчанка;
- дырэктар ТДА "Трывіум" Дзмітрый Ус.
Збор подпісаў за вылучэнне кандыдатаў у прэзідэнты праходзіў з 30 верасня да 29 кастрычніка ўключна.
Згодна з Выбарчым кодэксам, сапраўднасць сабраных подпісаў тэрытарыяльныя выбарчыя камісіі павінны праверыць у 10-дзённы тэрмін.
Пратаколы выбарчых камісій аб устанаўленні колькасці выбаршчыкаў, якія паставілі подпісы ў падтрымку прэтэндэнтаў на пасаду прэзідэнта, павінны быць перададзены ў ЦВК не пазней за 13 лістапада.
Рэгістрацыя кандыдатаў у прэзідэнты пройдзе з 14 па 23 лістапада. Як паведамілі ў Цэнтрвыбаркаме, верагодней за ўсё, усе кандыдаты пройдуць рэгістрацыю ў адзін дзень, што забяспечыць ім аднолькавыя часавыя межы для правядзення агітацыйнай кампаніі.
Выбары прэзідэнта прызначаны на 19 снежня.
Сяргей Каралевіч, БелаПАН
Мінск, 30 кастрычніка 2010
Ссылка на текущий документ: http://belarus.kz/aktueller/0-1/1397/2533
Текущая дата: 25.12.2024