Прэзідэнт Беларусі Аляксандр Лукашэнка 26 жніўня падпісаў указ нумар 336 аб прыёме ў беларускае грамадзянства 243 чалавек, у тым ліку 23 непаўналетнія. 

Гэта людзі, якія прыбылі ў Беларусь на пастаяннае жыхарства больш за пяць гадоў таму. Яны паспяхова працуюць у сельскай гаспадарцы, будаўніцтве, транспартнай галіне, у сферы паслуг і гандлю, у галіне медыцыны і сістэме адукацыі. Многія стварылі тут сем`і.

У ліку прынятых у грамадзянства - асобы, якія прыбылі з Азербайджана, Арменіі, Грузіі, Ірана, Казахстана, Лівана, Малдовы, Расіі, Туркменістана, Узбекістана, Украіны і іншых дзяржаў.

26 жніўня 2024, Мінск
БЕЛТА