"Сёння было даручана распараджэнне ад Галоўнакамандуючага Узброенымі Сіламі Беларусі на правядзенне раптоўнай праверкі сіл і сродкаў носьбітаў нестратэгічнай ядзернай зброі. У гатоўнасць да выканання задач па прызначэнні прыводзіцца дывізіён аператыўна-тактычнага комплексу "Іскандэр" і эскадрылля самалётаў Су-25. Праверка будзе праведзена ў адпаведнасці з рэгламентам часу, устаноўленым Галоўнакамандуючым. У ходзе яе будзе правераны ўвесь комплекс мерапрыемстваў ад планавання, падрыхтоўкі і прымянення ўдараў тактычнымі ядзернымі боепрыпасамі", - пракаментаваў міністр абароны Беларусі генерал-лейтэнант Віктар Хрэнін.

Начальнік Генеральнага штаба Узброеных Сіл - першы намеснік міністра абароны Беларусі генерал-маёр Віктар Гулевіч адзначыў, што ў рамках гэтага мерапрыемства ажыццёўлена перабазаванне часткі сіл і сродкаў авіяцыі на запасны аэрадром.

"З далейшым перабазаваннем тэхнічнага складу мы пяройдзем да пытанняў адпрацоўкі падрыхтоўкі да прымянення нестратэгічнай ядзернай зброі. Пакуль на гэты час назначаныя экіпажы паспяхова выканалі задачы па пералёту. Цяпер будзем кантраляваць, як будуць ажыццяўляцца ўсе астатнія мерапрыемствы", - адзначыў Віктар Гулевіч.

7 траўня 2024, Мінск
БЕЛТА