У праграму турніру ўвайшлі камандны і індывідуальны спрынт, Мэдысан, кейрын, а таксама скрэтч і гонка з выбываннем. Удзел у спаборніцтвах прынялі практычна ўсе лідары зборнай Расіі, а таксама веласіпедысты з Беларусі і Казахстана.

Прадстаўнікі нашай каманды заваявалі ў Туле чатыры ўзнагароды (1-2-1), двухразовымі прызёрамі Гран-пры сталі Арцём Зайцаў і Яўген Каралёк. Зайцаў атрымаў перамогу ў кейрыне і заняў другое месца ў спрынце, а Каралёк выйграў срэбра ў гонцы з выбываннем і паказаў трэці вынік у гонцы па ачках.

Звязда, 28 траўня 2024