Кіраўнік ведамства абазначыў ключавы момант: «Беларусь заўсёды была і застаецца міралюбівай дзяржавай». «З тэрыторыі Беларусі ніколі не ішла і не будзе ісці пагроза. Згодна з нашай Канстытуцыяй, з тэрыторыі Беларусі не можа быць здзейснена ніякая агрэсія. Гэта пастулаты, якія непарушныя», — падкрэсліў ён.

Сяргей Алейнік нагадаў таксама, што ў прынятых на УНС Канцэпцыі нацыянальнай бяспекі і ваеннай дактрыне Беларусі дакладна прапісана магчымасць і здольнасць краіны забяспечыць сваю бяспеку і абараназдольнасць усімі існуючымі сіламі і сродкамі. Сярод іх — і саюзніцкія адносіны з Расіяй і адносіны ў сферы ўзаемадзеяння абаронных ведамстваў дзвюх краін.

Звязда, 6 траўня 2024