Беларусь уважліва сочыць за вучэннямі НАТА па абароне Сувалкскага калідора, заявіў у інтэрв’ю РИА Новости міністр замежных спраў Беларусі Сяргей Алейнік.

Міністр звярнуў увагу, што не так даўно адзін з генералаў амерыканскай арміі заявіў, што вайскоўцы з ЗША, якія часова дыслацыяваны ў Літве, застаюцца там на бестэрміновай аснове.

"Гэта прамое пацвярджэнне таго, што, уласна, частка воінскіх падраздзяленняў, якія накіроўваюцца туды на вучэнні, застаюцца там для пастаяннай дыслакацыі. Таму гэта відавочны факт", - канстатаваў кіраўнік МЗС.

Акрамя таго, кіраўнік МЗС Беларусі звярнуў увагу на нядаўняе выказванне свайго польскага калегі Радаслава Сікорскага. Апошні заявіў, што неабходна стварыць цяжкую брыгаду для хуткага рэагавання на сытуацыю ў суседніх краінах.

"Удумайцеся ў сэнс сказанага. І гэта гаворыць міністр замежных спраў, а не абароны", - адзначыў Алейнік.

Вучэнні краін НАТА ў Літве і Польшчы пачаліся ў красавіку. У іх удзельнічаюць вайскоўцы са ЗША і Партугаліі. Яны адпрацоўваюць абарону Сувалкскага калідора, гэта значыць тэрыторыю ў раёне горада Сувалкі на паўночным усходзе Польшчы. Гэты горад знаходзіцца паміж Беларуссю і Калінінградскай вобласцю РФ.

Даўжыня калідора – прыкладна 100 кіламетраў. Як заявіў раней губернатар Калінінградскай вобласці Антон Аліханаў, бяспецы Сувалкскага калідора нішто не пагражае, а ў мілітарызацыі Літвы зацікаўлены ЗША.

Мінск, 6 траўня 2024
Sputnik