Следчы камітэт Расійскай Федэрацыі абвясціў у вышук каля 700 замежнікаў, якія ваююць у складзе ўзброеных фармаванняў Украіны, паведаміла прэс-служба СК РФ у чацвер.

Гэта інфармацыя агучана па выніках аператыўнай нарады, якую правёў у Данецку кіраўнік СК Расіі Аляксандр Бастрыкін.

"(…) вынесены пастановы аб прыцягненні ў якасці абвінавачаных завочна па артыкуле за наёмніцтва ў дачыненні да шэрага грамадзян Нідэрландаў, Новай Зеландыі, Нарвегіі, Польшчы і Румыніі", - паведамілі ў прэс-службе Следчага камітэта РФ.

Там удакладнілі, што цяпер у вышук аб’яўлены каля 700 іншаземцаў.

Следчыя ўдакладнілі, што да шэрага з фігурантаў крымінальных спраў за наёмніцтва завочна прыменена такая мера стрымання як арышт.

Бастрыкіну паведамілі аб тым, як ідзе расследаванне крымінальных спраў, якія здзейснілі ўкраінскія фармаванні ў дачыненні да насельніцтва, а таксама расійскіх вайскоўцаў на тэрыторыі РФ і Украіны.

Па некаторых з гэтых спраў ужо скончана следства і яны перададзены ў суды, па астатніх следчыя дзеянні працягваюцца.

Кіраўнік СК Расіі ў сувязі з гэтым адзначыў неабходнасць правядзення актыўнай работы па прыцягненню наёмнікаў, якія ваююць у складзе УСУ, да крымінальнай адказнасці за злачынствы, учыненыя супраць мірнага насельніцтва і расійскіх ваеннаслужачых. "Вінаватыя немінуча павінны быць прыцягнуты да крымінальнай адказнасці", - падкрэсліў старшыня СК Расіі.

На нарадзе ў Данецку таксама была агучана інфармацыя па шэрагу крымінальных спраў, якія завочна ўзбуджаны ў Расіі ў дачыненні да ўкраінскіх вайскоўцаў, у тым ліку былога камандуючага ваенна-марскімі сіламі УСУ Ігара Варончанкі.

У гэтай крымінальнай справе размова ідзе аб абстрэлах населеных пунктаў ДНР і ЛНР, у выніку якіх было паранена і забіта больш за 330 чалавек, у тым ліку 12 дзяцей. Фігуранты гэтай крымінальнай справы аб’яўлены ў вышук.

Мінск, 7 сакавіка 2024
Sputnik