Беларуская тэнісістка Арына Сабаленка ў канцы года захавала за сабой тытул першай ракеткі свету, абноўлены рэйтынг Жаночай тэніснай асацыяцыі быў апублікаваны ў панядзелак.

У лепшай з беларусак на канец года ў актыве 9 416 балаў, на другім месцы – прадстаўніца Польшчы Іга Шьвёнтэк (8 295), на трэцім – амерыканка Коры Гауф (6 530).

У першай дзясятцы змен не адбылося, у яе па-ранейшаму ўваходзяць Жасмін Пааліні (4, Італія), Чжэн Цыньвэнь (5, Кітай), Алена Рыбакіна (6, Казахстан), Джэсіка Пегула (7, ЗША), Эма Навара (8, ЗША), Дар’я Касаткіна (9, Расія) і Барбара Крэйчыкава (10, Чэхія).

Мінск, 30 снежня 2024
Sputnik