Аляксандр Лукашэнка, нагадаў ён, неаднаразова казаў, што Беларусь "ні ў якім разе не імкнецца стаць пасрэднікам ва ўрэгуляванні сітуацыі ў братняй суседняй краіне". "Тыя дзеянні, якія ўчора пачаліся, я спадзяюся, прывядуць да найхутчэйшай нармалізацыі сітуацыі", — сказаў Рыбакоў.

Нагадаем, 29 ліпеня прэс-служба Аляксандра Лукашэнкі паведаміла аб тэлефоннай размове з прэзідэнтам Украіны Пятром Парашэнкам "па ініцыятыве ўкраінскага боку". "Прэзідэнт Украіны звярнуўся да кіраўніка беларускай дзяржавы з просьбай прыцягнуць Рэспубліку Беларусь у якасці пляцоўкі для правядзення перамоваў з удзелам усіх зацікаўленых бакоў па вырашэнні ўкраінскага крызісу. Лукашэнка пагадзіўся з гэтай ініцыятывай", — паведаміла прэс-служба.

Паводле інфармацыі Адміністрацыі прэзідэнта Украіны ў сацыяльнай сетцы "Фэйсбук", Парашэнка звярнуўся да Лукашэнкі з просьбай "садзейнічаць правядзенню ў Мінску 31 ліпеня пасяджэння трохбаковай кантактнай групы па ўрэгуляванні сітуацыі на Данбасе з удзелам другога прэзідэнта Украіны Леаніда Кучмы, пасла Расіі Міхаіла Зурабава і прадстаўніка АБСЕ".

Як паведаміў Парашэнка, на абмеркаванне прапаноўваецца вынесці два пытанні: вызваленне ўсіх заложнікаў, якія застаюцца ў баевікоў (168 чалавек), і забеспячэнне допуску міжнародных экспертаў на месца падзення самалёта "Малайзійскіх авіяліній".

Таццяна Каравянкова, БелаПАН
Мінск, 30 ліпеня 2014

Ссылка на текущий документ: http://belarus.kz/aktueller/0-1/868/26877

Текущая дата: 19.11.2024