У амерыканскім Стэнфардзе набірае абароты буйны тэнісны турнір з прызавым фондам $710 тыс.
Лепшая беларуская тэнісістка Вікторыя Азаранка, якая займае 10-е месца ў сусветным рэйтынгу, атрымала 4-ы нумар пасеву і стартуе з другога раўнда спаборніцтваў. Яе першай саперніцай будзе вопытная амерыканка Вінус Уільямс, якая знаходзіцца цяпер на 25-й пазіцыі ў рэйтынгу ВТА. У першым паядынку Уільямс-старэйшая ўпэўнена перайграла польскую тэнісістку Паўлу Каня (181) - 6:3, 6:2.
Цяперашняя сустрэча 24-гадовай Вікторыі і 34-гадовай Вінус будзе толькі чацвёртай, прычым ва ўсіх папярэдніх паядынках перамог дабівалася амерыканка. Апошні раз яны гулялі паміж сабой у мінулым годзе на турніры ў Токіа і тады старэйшая з сясцёр Уільямс выйграла ў двух сэтах - 6:2. 6:4.
На турніры ў Стэнфардзе выступіць і малодшая Уільямс, першая ракетка планеты Серэна, якой у другім крузе давядзецца правесці паядынак з чэшкай Каралінай Плішкавай (45).
Спаборніцтвы на кортах Стэнфарда завершацца 3 жніўня.
30 ліпеня 2014, Мінск
БЕЛТА
Цяперашняя сустрэча 24-гадовай Вікторыі і 34-гадовай Вінус будзе толькі чацвёртай, прычым ва ўсіх папярэдніх паядынках перамог дабівалася амерыканка. Апошні раз яны гулялі паміж сабой у мінулым годзе на турніры ў Токіа і тады старэйшая з сясцёр Уільямс выйграла ў двух сэтах - 6:2. 6:4.
На турніры ў Стэнфардзе выступіць і малодшая Уільямс, першая ракетка планеты Серэна, якой у другім крузе давядзецца правесці паядынак з чэшкай Каралінай Плішкавай (45).
Спаборніцтвы на кортах Стэнфарда завершацца 3 жніўня.
30 ліпеня 2014, Мінск
БЕЛТА
Ссылка на текущий документ: http://belarus.kz/aktueller/0-1/868/26948
Текущая дата: 19.11.2024