Як паведамляе прэс-служба Выканаўчага камітэта СНД, на думку рабочай групы, падобнае Пагадненне будзе спрыяць далейшаму развіццю агульнай навуковай прасторы краін Садружнасці, гарманізацыі прававой базы супрацоўніцтва ў галіне фундаментальных даследаванняў, а таксама эфектыўным вырашэнні праблем фундаментальнай і прыкладной навукі на прасторы СНД у цэлым.

Было вырашана прапанаваць разгледзець мэтазгоднасць падрыхтоўкі праекта Пагаднення на чарговым пасяджэнні Савета па супрацоўніцтве ў галіне фундаментальнай навукі.

Акрамя таго, падчас пасяджэння спецыялісты адзначылі важнасць завяршэння працы па стварэнні Міждзяржаўнага фонду навуковых даследаванняў дзяржаў — удзельніц Садружнасці. Выніковыя матэрыялы сустрэчы рабочай групы будуць накіраваныя членам Савета па супрацоўніцтве ў галіне фундаментальнай навукі.

Нагадаем, рабочая група па разглядзе пытанняў гарманізацыі прававой базы супрацоўніцтва ў галіне фундаментальных даследаванняў была ўтворана ў межах Савета па супрацоўніцтве ў галіне фундаментальнай навукі краін СНД. У яе функцыі ўваходзіць акумуляцыя і абмеркаванне адпаведных прапаноў ад дзяржаў для далейшага іх унясення на разгляд на пасяджэннях Савета.

Вячаслаў Будкевіч, БелаПАН
Мінск, 18 траўня 2014

Ссылка на текущий документ: http://belarus.kz/aktueller/0-1/880/26084

Текущая дата: 19.11.2024