У Іране ў нядзелю быў спушчаны на ваду пабудаваны мясцовымі спэцыялістамі зьнішчальнік «Джамаран-2», забясьпечаны кіраванымі ракетамі.
На цырымоніі ў горадзе Энзэлі на беразе Касьпійскага мора прысутнічаў прэзыдэнт Ірану Махмуд Ахмадзінэжад.
Паводле ягоных словаў, краіна нарошчвае абароназдольнасьць, каб супрацьстаяць тым, хто пагражае бясьпецы Ірану і суседніх зь ім дзяржаваў. Пры гэтым Ахмадзінэжад падкрэсьліў, што сам Тэгеран імкнецца да ўмацаваньня міру і сяброўства ў рэгіёне.
У сюжэце аб эсьмінцы дзяржаўнае тэлебачаньне зьвярнула ўвагу на тое, што ўпершыню ў акваторыі мора, якое багатае нафтавымі запасамі, Іран будзе мець вайсковую тэхніку падобнай клясы.
«Джамаран-2» вагой 1400 тонаў і даўжынёй 94 мэтры абсталяваны ракетамі клясы «зямля-зямля» і «зямля-паветра», гелікоптарнай пляцоўкай, сучаснай радыёлякацыйнай станцыяй і тэрміналамі сувязі.
Радыё Свабода, 17 сакавіка 2013
Паводле ягоных словаў, краіна нарошчвае абароназдольнасьць, каб супрацьстаяць тым, хто пагражае бясьпецы Ірану і суседніх зь ім дзяржаваў. Пры гэтым Ахмадзінэжад падкрэсьліў, што сам Тэгеран імкнецца да ўмацаваньня міру і сяброўства ў рэгіёне.
У сюжэце аб эсьмінцы дзяржаўнае тэлебачаньне зьвярнула ўвагу на тое, што ўпершыню ў акваторыі мора, якое багатае нафтавымі запасамі, Іран будзе мець вайсковую тэхніку падобнай клясы.
«Джамаран-2» вагой 1400 тонаў і даўжынёй 94 мэтры абсталяваны ракетамі клясы «зямля-зямля» і «зямля-паветра», гелікоптарнай пляцоўкай, сучаснай радыёлякацыйнай станцыяй і тэрміналамі сувязі.
Радыё Свабода, 17 сакавіка 2013
Ссылка на текущий документ: http://belarus.kz/aktueller/0-1/983/19957
Текущая дата: 18.11.2024