Пра гэта заявіў дырэктар абсерваторыі Белдзяржуніверсітэта Альгерд Кузнечык.
Раніцай 15 лютага на тэрыторыю Урала (Расійская Федэрацыя) ўпала неўстаноўленае нябеснае цела, як мяркуецца, метэарыт. Ад асколкаў касмічных цел, прыроду якіх вучоныя цяпер спрабуюць устанавіць, пацярпелі больш як 500 чалавек, у тым ліку 84 дзіцяці, паведамляе РІА Новости.
Эксперты сочаць за радыяцыйным фонам, выстаўляюцца версіі пра метэарытны дождж, метэоры ці зорны балід, які згарэў у слаях атмасферы.
Інцыдэнт таксама закрануў жыхароў Цюменскай, Курганскай, Свярдлоўскай абласцей і паўночных тэрыторый Казахстана, але асноўныя пашкоджанні зафіксаваныя ў Чэлябінскай вобласці — у многіх будынках выбіта шкло, пацярпелі больш за сотню чалавек.
Паводле даных МНС РФ, да месца НЗ сцягнута 20 тысяч ратавальнікаў, ваенныя ўзялі пад узмоцнены кантроль важныя аб`екты. Расспажыўнагляд вырашыў закрыць у Чэлябінскай вобласці ўсе школы.
"Па ўсёй верагоднасці, разваліўся на часткі буйны метэароід, і яго асобныя асколкі дасягнулі Зямлі і сталі метэарытамі, — адзначыў Кузнечык. — Наогул гэта прыродная з`ява, выявіць і прадухіліць якую цяпер немагчыма".
Паводле меркавання астранома, у Беларусі нешта падобнае найбліжэйшым часам малаверагоднае. "Сібір знаходзіцца далёка ад нашай краіны", — растлумачыў вучоны.
Ён таксама паведаміў, што сёння можна будзе назіраць унікальную з`яву — праходжанне міма Зямлі астэроіда 2012 DA14, які важыць 130 тысяч тон і мае даўжыню 45 метраў. У момант найбольшага збліжэння з Зямлёй адлегласць ад астэроіда да яе паверхні будзе складаць 27.700 км. У Беларусі гэта адбудзецца ў 22.25. Астэроід 2012 DA14 стане першым астэроідам такой значнай велічыні, які прайшоў так блізка ад Зямлі з моманту пачатку рэгулярных назіранняў за касмічнымі аб`ектамі, падкрэсліў дырэктар абсерваторыі БДУ.
Паводле яго слоў, назіраць праходжанне астэроіда паблізу ад арбіты Зямлі можна ў бінокль пры ўмове, што неба будзе бязвоблачным. Спачатку астэроід пройдзе праз сузор`е Дракона, а затым праз Вялікую Мядзведзіцу. Што да магчымасці назіраць астэроід няўзброеным вокам, то гэта будзе даступна толькі для чалавека з вельмі добрым зрокам, які да таго ж павінен знаходзіцца на адлегласці каля 60 кіламетраў ад Мінска ці іншых буйных гарадоў, сказаў вучоны.
Падзенне астэроіда Беларусі, як і іншым краінам, не пагражае, запэўніў дырэктар абсерваторыі БДУ. Аднак калі б гэта адбылося, то падзея была б супастаўная з падзеннем Тунгускага метэарыта, пасля якога засталася варонка велічынёй прыкладна з кіламетр, дадаў вучоны.
Анастасія Янушэўская, БелаПАН
Мінск, 15 лютага 2013
Эксперты сочаць за радыяцыйным фонам, выстаўляюцца версіі пра метэарытны дождж, метэоры ці зорны балід, які згарэў у слаях атмасферы.
Інцыдэнт таксама закрануў жыхароў Цюменскай, Курганскай, Свярдлоўскай абласцей і паўночных тэрыторый Казахстана, але асноўныя пашкоджанні зафіксаваныя ў Чэлябінскай вобласці — у многіх будынках выбіта шкло, пацярпелі больш за сотню чалавек.
Паводле даных МНС РФ, да месца НЗ сцягнута 20 тысяч ратавальнікаў, ваенныя ўзялі пад узмоцнены кантроль важныя аб`екты. Расспажыўнагляд вырашыў закрыць у Чэлябінскай вобласці ўсе школы.
"Па ўсёй верагоднасці, разваліўся на часткі буйны метэароід, і яго асобныя асколкі дасягнулі Зямлі і сталі метэарытамі, — адзначыў Кузнечык. — Наогул гэта прыродная з`ява, выявіць і прадухіліць якую цяпер немагчыма".
Паводле меркавання астранома, у Беларусі нешта падобнае найбліжэйшым часам малаверагоднае. "Сібір знаходзіцца далёка ад нашай краіны", — растлумачыў вучоны.
Ён таксама паведаміў, што сёння можна будзе назіраць унікальную з`яву — праходжанне міма Зямлі астэроіда 2012 DA14, які важыць 130 тысяч тон і мае даўжыню 45 метраў. У момант найбольшага збліжэння з Зямлёй адлегласць ад астэроіда да яе паверхні будзе складаць 27.700 км. У Беларусі гэта адбудзецца ў 22.25. Астэроід 2012 DA14 стане першым астэроідам такой значнай велічыні, які прайшоў так блізка ад Зямлі з моманту пачатку рэгулярных назіранняў за касмічнымі аб`ектамі, падкрэсліў дырэктар абсерваторыі БДУ.
Паводле яго слоў, назіраць праходжанне астэроіда паблізу ад арбіты Зямлі можна ў бінокль пры ўмове, што неба будзе бязвоблачным. Спачатку астэроід пройдзе праз сузор`е Дракона, а затым праз Вялікую Мядзведзіцу. Што да магчымасці назіраць астэроід няўзброеным вокам, то гэта будзе даступна толькі для чалавека з вельмі добрым зрокам, які да таго ж павінен знаходзіцца на адлегласці каля 60 кіламетраў ад Мінска ці іншых буйных гарадоў, сказаў вучоны.
Падзенне астэроіда Беларусі, як і іншым краінам, не пагражае, запэўніў дырэктар абсерваторыі БДУ. Аднак калі б гэта адбылося, то падзея была б супастаўная з падзеннем Тунгускага метэарыта, пасля якога засталася варонка велічынёй прыкладна з кіламетр, дадаў вучоны.
Анастасія Янушэўская, БелаПАН
Мінск, 15 лютага 2013
Ссылка на текущий документ: http://belarus.kz/aktueller/0-1/996/19413
Текущая дата: 18.11.2024