Беларускія пракуроры вывучаюць вялікі аб`ём дакументаў аб злачынствах фашыстаў і іх памагатых, якія перадалі ў Менск расейскія кампетэнтныя органы, паведаміў генпракурор Беларусі Андрэй Швед.

Сёння генпракурор Беларусі сустрэўся з пракурорам Карэлі Дзмітрыем Харчанкавым і пракурорам Санкт-Пецярбурга Віктарам Мельнікам, якія прыбылі ў Мінск для ўдзелу ў міжнароднай канферэнцыі "Генацыд савецкага народа: гісторыка-прававая ацэнка".

Канферэнцыя пройдзе ў Гродне 18-19 лютага.

"Сёння на вывучэнні знаходзіцца вялікі масіў дакументаў, якія паступілі з кампетэнтных органаў Расійскай Федэрацыі, у тым ліку на нямецкай мове", – сказаў Швед на сустрэчы з калегамі з Расіі.

Паводле яго слоў, гэтыя дакументы патрэбны для дачы прававой ацэнкі дзеянняў нацысцкіх злачынцаў і іх саўдзельнікаў на акупаванай тэрыторыі БССР.

"Мы старанна іх вывучаем", - адзначыў Швед.

Швед таксама падкрэсліў, што тэма генацыду савецкага народа важная для і для Беларусі, і для Расіі.

Паводле яго слоў, абмеркаванне гэтай тэмы павінна праходзіць на розных пляцоўках з удзелам вядучых гісторыкаў, грамадскіх дзеячаў, экспертаў, да дыялогу трэба прыцягваць лідэраў меркаванняў.

Генпракурор таксама расказаў расійскім пракурорам аб тым, як ідзе расследаванне крымінальнай справы аб генацыдзе беларускага народа ў гады акупацыі, адзначыўшы ўклад расійскіх калег у работу.

Генеральны пракурор Беларусі ўручыў пракурору Карэліі і пракурору Санкт-Пецярбурга чацвёрты том серыі "Генацыд беларускага народа" пад назвай "Каральныя аперацыі. Частка 2", прэзентацыя якога адбылася ў снежні 2024 года.

Мінск, 17 лютага 2025
Sputnik