Якія падзеі адбыліся 11 жніўня і чым адзначаны гэты дзень у народным календары, чытайце далей:

У 1127 годзе ў Лаўрэнцьеўскім летапісе ўпершаню быў згаданы горад Гародня (Горадзен, Гродна).

У 1794 годзе расійскія войскі ўзялі Вільню, пасля чаго горад капітуляваў.

У 1962 годзе адбыўся запуск савецкага касмічнага карабля Усход-3.

1856 год: Уладзімір Дабравольскі, беларускі этнограф.

1907 год: Аляксей Бараноўскі, беларускі акцёр, заслужаны артыст Беларусі.

1893 год: Эдмунд Русецкі, дзяржаўны дзеяч БССР.

1939 год: Вячаслаў Чарнатаў, беларускі архітэктар і даследчык архітэктуры.

Таксама ў гэты дзень нарадзіліся амерыканскі пісьменнік Алекс Хейлі і амерыканскі распрацоўшчык камп`ютараў і сузаснавальнік фірмы Apple Стыў Возняк.

11 жніўня – дзень пакутніка Калінніка. На Івана Калінавіка (Калінніка) збіралі каліны і журавіны, а таксама засявалі поле азімым жытам. Лічылася, калі на Калінніка холадна, то і ў пачатку верасня будзе холадна, а калі туман – будзе добры ўраджай ячменю ды аўса. Калі ж авёс, які ўжо саспеў, зазелянее другі раз, увосень будзе дрэннае надвор`е.

У гэты дзень гаспадыні пяклі пірагі з ягадамі каліны. Прыгаворвалі: "Каліна сама сябе хваліла, што яна з мёдам добрая". Але для пчол ужо надыходзіць кепскі час – туман не спрыяе вылету насякомых з вуллёў.

У каталікоў 11 жніўня – Лаўрын дзень, казалі: "На Лаўрына спяшайся да млына", гэта значыць, трэба ўжо пачынаць малоць збожжа.

Sputnik, 11 жнтўня 2024