Генеральная пракуратура Беларусі прапанавала правесці рэвізію для таго, каб выявіць страчаныя ў перыяд Вялікай Айчыннай вайны культурныя каштоўнасці, паведамілі ў прэс-службе ведамства.

Гэта работа была арганізавана ў рамках дзейнасці Камісіі пры Савеце міністраў па выяўленні, вяртанні, сумесным выкарыстанні і ўвядзенні ў навуковы абарот культурных каштоўнасцей, якія знаходзяцца за межамі рэспублікі.

Вынікам сумеснай працы розных ведамстваў стаў дадатковы спісак, у які ўваходзяць 694 прадметы культуры.

"Адна з галоўных каштоўнасцей Беларусі – крыж Еўфрасінні Полацкай, выраблены ў 1161 годзе майстрам Лазарам Богшам, быў вывезены ў ваенныя гады з тэрыторыі краіны і не знойдзены да гэтага часу", - канстатавалі ў Генпракуратуры.

У паведамленні прэс-службы гаворыцца, што да ўзбуджэння крымінальнай справы аб генацыдзе беларускага народа сістэмны пошук страчанага і дзеянні па яго вяртанні не вяліся.

У Генпракуратуры таксама расказалі, што Міністэрства культуры арганізавала ўлік і вартасную ацэнку страчаных каштоўнасцей, выпрацавала і забяспечыла рэалізацыю мерапрыемстваў па ўстанаўленні месцаў іх знаходжання для вяртання ў краіну.

Мінск, 20 кастрычніка 2024
Sputnik