Інструкцыю аб прэміраванні адораных вучняў адобрылі на сесіі дэпутаты Мінскага гарадскога Савета дэпутатаў. Гэты дакумент вызначае крытэрыі, па якіх будуць выбіраць атрымальнікаў прэміі.

У ліку кандыдатаў на прэміяльныя - вучні 8-11 класаў школ і гімназій, узнагароджаныя дыпломамі першай, другой і трэцяй ступені, залатымі, срэбнымі і бронзавымі медалямі на рэспубліканскіх і міжнародных алімпіядах, конкурсах, канферэнцыях, турнірах, творчых і спартыўных спаборніцтвах.

Прэмія будзе прысуджацца адзін раз у год па рашэнні Мінгарсавета па прапановах камітэта па адукацыі Мінгарвыканкама. Яе памер складзе 5 базавых велічынь (цяпер БВ складае Br21).

Не выключана, што ў будучым кола атрымальнікаў прэміі пашырыцца.

14 верасня 2016, Мінск
БЕЛТА