Ільі 11 гадоў, ён нарадзіўся і жыве ў Мінску. Займаецца вакалам з шасці гадоў. Выканальніцкае майстэрства ўдасканальвае ў студыі "Залатыя галасы" пры арт-групе "Беларусы". Ілья прымаў удзел у адкрытым рэспубліканскім конкурсе дзіцячай і юнацкай творчасці "Новае рух" (1-е месца), міжнародным конкурсе "Кубак Еўропы" (2-е месца), "Новай дзіцячай хвалі" (паўфінал). Дарэчы, Ілья ўжо ўдзельнічаў у дзіцячым "Еўрабачанні". У 2012 годзе ён танцаваў у нумары Ягора Жэшкі "А мора- мора ...". Акрамя спеваў, Ілья захапляецца спартыўна-бальнымі танцамі. У музыцы раўняецца на Майкла Джэксана, Уітні Х`юстан і Дзіму Білана.

У фінале нацыянальнага адбору сустрэліся 10 юных талентаў. Прэтэндэнтаў ацэньвалі тэлегледачы і прафесійнае журы па прынцыпу міжнароднага конкурсу - 50 працэнтаў на 50 працэнтаў.

Дзіцячае "Еўрабачанне-2013" пройдзе 30 лістапада ў Кіеве. Вядучымі шоу будуць фіналістка дарослага конкурсу "Еўрабачанне-2013" Злата Огневіч і ўкраінскі каментатар міжнароднага конкурсу Цімур Мірашнічэнка. На гэты момант свой удзел у творчым спаборніцтве, акрамя Беларусі, пацвердзілі Расія, Швецыя, Грузія, Украіна, Арменія, Нідэрланды. Аб вяртанні на форум паведамілі Мальта і Македонія. Бельгія і Албанія, наадварот, адмовіліся ад конкурсу.

Беларусь удзельнічае ў дзіцячым "Еўрабачанні" з моманту яго заснавання, з 2003 года. На рахунку рэспублікі - дзве перамогі. У 2005 годзе конкурс выйграла Ксенія Сітнік з песняй "Мы разам", у 2007 годзе - Аляксей Жыгалковіч з кампазіцыяй "З сябрамі".

7 кастрычніка 2013, Мінск
БЕЛТА

Ссылка на текущий документ: http://belarus.kz/aktueller/0-3/749/23734

Текущая дата: 29.12.2024