Пра той ракавы палёт падпалкоўніка Карвата шмат напісана. Падчас вучэбнага палёту ў маі 1995 года здарыўся пажар. За 14 секундаў, што ў яго заставаліся, цаной уласнага жыцця лётчык адвёў палаючую машыну ад вёскі Арабаўшчына Баранавіцкага раёна, тым самым папярэдзіў магчымыя ахвяры. Яму споўнілася толькі 37 гадоў. Яшчэ невялікімі былі сын і дачка...

Школа, якая носіць імя Уладзіміра Карвата, год таму перажыла капітальны рамонт. Увесь гэты час працягвалася афармленне памяшкання для будучага музея, збор экспанатаў. Штат рэчаў, дакументаў, здымкаў перадалі школе члены сям`і героя. На адкрыццё музея прыйшлі родныя і блізкія Уладзіміра Мікалаевіча, яго сябры, саслужыўцы. Экскурсію па новым музеі вялі вучні школы №8.

Святлана Яскевіч
Звязда, 29 лістапада 2012

Ссылка на текущий документ: http://belarus.kz/aktueller/0-3/800/18023

Текущая дата: 18.11.2024