"Усё, што мы маглі зрабіць на стадыі падрыхтоўкі да Гульняў, зроблена. Цяпер важна не нашкодзіць, не адцягваць нашых атлетаў ад вырашэння галоўных задач", — заявіў намеснік прэм`ер-міністра Беларусі Анатоль Тозік падчас наведвання Алімпійскай вёскі ў Лондане 28 ліпеня.
"Пэўны аптымізм выклікаюць заключэнні ўрачоў аб тым, што атлеты і фізічна, і псіхалагічна гатовы да сваіх галоўных стартаў, што іх нішто пакуль не раздражняе і ніхто ім не перашкаджае, — прыводзіць словы Тозіка прэс-служба Мінспорту. — Мне ўяўляецца, што задача чыноўнікаў, якія цяпер знаходзяцца ў Лондане, не адцягваць спартсменаў, не хадзіць за імі і распытваць, як справы, як настрой. Такой залішняй апекай можна толькі нашкодзіць. Спартсмены, іх трэнеры і без нас дакладна ведаюць, што ім трэба рабіць. Мы ж абавязаны дапамагчы ім вырашаць праблемы, задавальняць іх разумныя просьбы".
На думку віцэ-прэм`ера, Алімпіяда пачалася з добрага знака — перамогі беларускай алімпійскай зборнай па футболе над Новай Зеландыяй. Ён выказаў надзею, што "тыя словы клятвы, якія на цырымоніі адкрыцця Алімпійскіх гульняў вымавіў прадстаўнік судзейскага корпусу, будуць строга і дакладна выкананыя ўсімі арбітрамі, і судзейства будзе сумленным і бесстароннім".
"Я перакананы, што пакуль трэба пазбягаць бурчання, незадавальнення і крытыкі. Алімпіяда — гэта вельмі цяжкая праца, велізарная фізічная і псіхалагічная нагрузка. Мы ж можам як узмацніць, так і аслабіць яе. Давайце таксама набярэмся цярпення", — сказаў Тозік.
Разам з Тозікам жылую зону вёскі наведалі першы віцэ-прэзідэнт Нацыянальнага алімпійскага камітэта, памочнік прэзідэнта па пытаннях фізічнай культуры, спорту і развіцця турызму Ігар Заічкаў, міністр спорту і турызму Алег Качан, пасол Беларусі ў Вялікабрытаніі Аляксандр Міхневіч, а таксама протаіерэй Фёдар Поўны.
Дзмітрый Уласаў, БелаПАН
Мінск, 29 ліпеня 2012
На думку віцэ-прэм`ера, Алімпіяда пачалася з добрага знака — перамогі беларускай алімпійскай зборнай па футболе над Новай Зеландыяй. Ён выказаў надзею, што "тыя словы клятвы, якія на цырымоніі адкрыцця Алімпійскіх гульняў вымавіў прадстаўнік судзейскага корпусу, будуць строга і дакладна выкананыя ўсімі арбітрамі, і судзейства будзе сумленным і бесстароннім".
"Я перакананы, што пакуль трэба пазбягаць бурчання, незадавальнення і крытыкі. Алімпіяда — гэта вельмі цяжкая праца, велізарная фізічная і псіхалагічная нагрузка. Мы ж можам як узмацніць, так і аслабіць яе. Давайце таксама набярэмся цярпення", — сказаў Тозік.
Разам з Тозікам жылую зону вёскі наведалі першы віцэ-прэзідэнт Нацыянальнага алімпійскага камітэта, памочнік прэзідэнта па пытаннях фізічнай культуры, спорту і развіцця турызму Ігар Заічкаў, міністр спорту і турызму Алег Качан, пасол Беларусі ў Вялікабрытаніі Аляксандр Міхневіч, а таксама протаіерэй Фёдар Поўны.
Дзмітрый Уласаў, БелаПАН
Мінск, 29 ліпеня 2012
Ссылка на текущий документ: http://belarus.kz/aktueller/0-3/826/15514
Текущая дата: 19.11.2024