Пяцiразовы рэкардсмен Кнiгi рэкордаў Гiнэса магiляўчанiн Аляксандр Бендзiкаў устанавiў свой шосты сусветны рэкорд. На гэты раз Аляксандр павiнен быў размясцiць звыш 216 цвiкоў на плешцы аднаго цвiка, забiтага ў драўляны брусок.
Рэкардсмен двойчы прыязджаў у сталiцу, аднак абедзве мiнулыя спробы аказалiся няўдалымi. На трэцi раз Аляксандр скарыстаў 250 цвiкоў! Паводле яго слоў, мог бы i больш, аднак цвiкi проста скончылiся. Такiм чынам пабiты чарговы рэкорд Данiэля Урлiнга з Люксембурга, якi ў 2006 годзе ўстанавiў 216 цвiкоў на плешцы аднаго цвiка. Аляксандр выкарыстаў толькi круглыя цвiкi даўжынёй 100 мм, нiякiх пагнутых цi падточаных. Нiякага клею або магнiтаў. Канструкцыя павiнна прастаяць не менш за 1 хвiлiну.
Святлана Барысенка
Звязда, 12 чэрвеня 2012
Святлана Барысенка
Звязда, 12 чэрвеня 2012
Ссылка на текущий документ: http://belarus.kz/aktueller/0-3/835/14584
Текущая дата: 18.11.2024