Такое меркаванне выказаў старшыня Рады беларускай інтэлігенцыі Уладзімір Колас, які таксама з`яўляецца адным з заяўнікаў шэсця і мітынгу з нагоды Дня Волі ў Мінску.
Прадстаўнікі апазіцыі называюць Дзень Волі перспектыўным святам і падкрэсліваюць важнасць захавання суверэнітэту Беларусі
Хоць менавіта "з абвяшчэння БНР 25 сакавіка 1918 года ў сучаснай гісторыі вядзе адлік дзяржаўнасць і незалежнасць Беларусі", дадаў Уладзімір Колас.
Паводле слоў Коласа, у беларускай савецкай дзяржаўнасці было "шмат фікцый і двайных стандартаў". "Пад шыльдай гэтай дзяржаўнасці захоўвалася каланіяльная залежнасць Беларусі ад Масквы. Сённяшняе кіраўніцтва, у прынцыпе, захоўвае гэтыя традыцыі, што дае яму пэўныя прэферэнцыі, дазваляючы даўжэй знаходзіцца ва ўладзе", — лічыць кіраўнік Рады беларускай інтэлігенцыі.
Яму хацелася б, каб на святкаванне Дня Волі ў Мінску "сабралася як мага больш людзей, бо менавіта гэта дае падставу для надзей". "Для мяне, напрыклад, гэта свята надзеі. Тое, што ў 1918 годзе была абвешчаная незалежнасць Беларусі, сведчыць пра тое, што самыя неверагодныя мары могуць ажыццяўляцца. Гэта дае надзеі на тое, што Беларусь усё ж завершыць працэс станаўлення сваёй дзяржаўнасці і незалежнасці. Я спадзяюся, што людзі прыйдуць. Іх колькасць пакажа, што ідэалы БНР падзяляюць шмат беларусаў", — адзначыў Колас.
Сённяшнія дыпламатычныя скандалы і эканамічны крызіс ён назваў "з`явамі часовымі". "Галоўнае — захаваць нашу незалежнасць і дзяржаўнасць. Усё астатняе, у тым ліку і пытанні ўлады, можна вырашыць. Таму нам яшчэ раз неабходна паказаць, што ў краіне ёсць людзі, якія цвёрда стаяць на пазіцыях незалежнасці і самастойнасці", — падкрэсліў Колас.
"Самым перспектыўным святам Беларусі" назваў Дзень Волі лідар Аб`яднанай грамадзянскай партыі (АГП) Анатоль Лябедзька.
"У гэтага свята ёсць мінулае, якое сёння ўлада не прызнае, але ў той жа час — вельмі перспектыўнае заўтра. Свята, што выйшла з гісторыі, проста асуджанае на тое, каб быць прадстаўленым чырвоным колерам у календары. Для ўлады ж гісторыя Беларусі ў лепшым выпадку пачынаецца з Вялікай Айчыннай вайны, а ў поўнай меры — з часоў прыходу да ўлады Аляксандра Лукашэнкі", — адзначыў палітык.
Паводле яго слоў, на акцыю прыйдуць тыя, "для каго 25 сакавіка — гэта сапраўды свята". "Не думаю, што будзе вельмі масава, але там не будзе выпадковых людзей", — прагназуе лідар АГП.
Як лічыць Лябедзька, "на фоне цяперашняй уразлівасці і ранімасці беларускай незалежнасці і суверэнітэту актуальнасць даты 25 сакавіка толькі ўзрастае".
"Лукашэнка пасля 17 гадоў свайго праўлення прывёў краіну да таго, што дзяржава, хоць і ёсць, але стаіць на гліняных нагах. Трэба прыкласці яшчэ шмат намаганняў, каб Беларусь стала паважанай і агульнапрызнанай дзяржавай з гісторыяй і перспектывай", — перакананы лідар партыі.
Сяргей Каралевіч, БелаПАН
Мінск, 25 сакавіка 2012
Хоць менавіта "з абвяшчэння БНР 25 сакавіка 1918 года ў сучаснай гісторыі вядзе адлік дзяржаўнасць і незалежнасць Беларусі", дадаў Уладзімір Колас.
Паводле слоў Коласа, у беларускай савецкай дзяржаўнасці было "шмат фікцый і двайных стандартаў". "Пад шыльдай гэтай дзяржаўнасці захоўвалася каланіяльная залежнасць Беларусі ад Масквы. Сённяшняе кіраўніцтва, у прынцыпе, захоўвае гэтыя традыцыі, што дае яму пэўныя прэферэнцыі, дазваляючы даўжэй знаходзіцца ва ўладзе", — лічыць кіраўнік Рады беларускай інтэлігенцыі.
Яму хацелася б, каб на святкаванне Дня Волі ў Мінску "сабралася як мага больш людзей, бо менавіта гэта дае падставу для надзей". "Для мяне, напрыклад, гэта свята надзеі. Тое, што ў 1918 годзе была абвешчаная незалежнасць Беларусі, сведчыць пра тое, што самыя неверагодныя мары могуць ажыццяўляцца. Гэта дае надзеі на тое, што Беларусь усё ж завершыць працэс станаўлення сваёй дзяржаўнасці і незалежнасці. Я спадзяюся, што людзі прыйдуць. Іх колькасць пакажа, што ідэалы БНР падзяляюць шмат беларусаў", — адзначыў Колас.
Сённяшнія дыпламатычныя скандалы і эканамічны крызіс ён назваў "з`явамі часовымі". "Галоўнае — захаваць нашу незалежнасць і дзяржаўнасць. Усё астатняе, у тым ліку і пытанні ўлады, можна вырашыць. Таму нам яшчэ раз неабходна паказаць, што ў краіне ёсць людзі, якія цвёрда стаяць на пазіцыях незалежнасці і самастойнасці", — падкрэсліў Колас.
"Самым перспектыўным святам Беларусі" назваў Дзень Волі лідар Аб`яднанай грамадзянскай партыі (АГП) Анатоль Лябедзька.
"У гэтага свята ёсць мінулае, якое сёння ўлада не прызнае, але ў той жа час — вельмі перспектыўнае заўтра. Свята, што выйшла з гісторыі, проста асуджанае на тое, каб быць прадстаўленым чырвоным колерам у календары. Для ўлады ж гісторыя Беларусі ў лепшым выпадку пачынаецца з Вялікай Айчыннай вайны, а ў поўнай меры — з часоў прыходу да ўлады Аляксандра Лукашэнкі", — адзначыў палітык.
Паводле яго слоў, на акцыю прыйдуць тыя, "для каго 25 сакавіка — гэта сапраўды свята". "Не думаю, што будзе вельмі масава, але там не будзе выпадковых людзей", — прагназуе лідар АГП.
Як лічыць Лябедзька, "на фоне цяперашняй уразлівасці і ранімасці беларускай незалежнасці і суверэнітэту актуальнасць даты 25 сакавіка толькі ўзрастае".
"Лукашэнка пасля 17 гадоў свайго праўлення прывёў краіну да таго, што дзяржава, хоць і ёсць, але стаіць на гліняных нагах. Трэба прыкласці яшчэ шмат намаганняў, каб Беларусь стала паважанай і агульнапрызнанай дзяржавай з гісторыяй і перспектывай", — перакананы лідар партыі.
Сяргей Каралевіч, БелаПАН
Мінск, 25 сакавіка 2012
Ссылка на текущий документ: http://belarus.kz/aktueller/0-3/852/12945
Текущая дата: 18.11.2024