Спецыяльна для закаханых, нягледзячы на афіцыйны выхадны, у Дзень Святога Валянціна ў Віцебску арганізавалі выхад на аглядальную пляцоўку сімвала горада — старажытнай ратушы.
Як паведаміў "Звяздзе" Валерый Шышанаў, намеснік дырэктара Віцебскага абласнога краязнаўчага музея, такім чынам музейныя работнікі вырашылі павіншаваць закаханых са святам. Дазвол падняцца на вежу ратушы, каб палюбавацца горадам і прызнацца ў каханні, абышоўся ўсяго ў пяць тысяч рублёў. Безумоўна, такая ўнікальная магчымасць запомніцца яшчэ і таму, што выхад на пляцоўку на вышыню палёту птушак запланавана адкрыць для экскурсій толькі калі пацяплее.
Сёлета святкаванне стала незвычайным таксама і тым, што перад "прафесійным" святам закаханых усіх ахвотных запрасілі на галоўную плошчу вобласці, каб яны выстраіліся ў форме сэрца і адправілі ў нябёсы паветраныя шарыкі — у знак прызнання ў любові да старажытнага горада і ў каханні. Калі гэты нумар рыхтаваўся да выхаду, 14-га лютага ў 14 гадзін прыйшоў час ажыццявіць тое, што было запланавана.
Аляксандр Пукшанскі
Звязда 15 лютага 2011
Сёлета святкаванне стала незвычайным таксама і тым, што перад "прафесійным" святам закаханых усіх ахвотных запрасілі на галоўную плошчу вобласці, каб яны выстраіліся ў форме сэрца і адправілі ў нябёсы паветраныя шарыкі — у знак прызнання ў любові да старажытнага горада і ў каханні. Калі гэты нумар рыхтаваўся да выхаду, 14-га лютага ў 14 гадзін прыйшоў час ажыццявіць тое, што было запланавана.
Аляксандр Пукшанскі
Звязда 15 лютага 2011
Ссылка на текущий документ: http://belarus.kz/aktueller/0-3/921/4486
Текущая дата: 16.11.2024