Пятае пасяджэнне беларуска-чэшскай змешанай камісіі па эканамічнаму, прамысловаму і навукова-тэхнічнаму супрацоўніцтву пройдзе 23-25 красавіка ў Празе.

Камісія створана ў рамках міжурадавага пагаднення аб эканамічным, прамысловым і навукова-тэхнічным супрацоўніцтве ад 22 студзеня 2009 года. Старшынёй беларускай часткі з`яўляецца намеснік міністра замежных спраў Аляксандр Гур`янаў, чэшскай - намеснік міністра прамысловасці і гандлю Мілан Гаворка.

У рабоце камісіі з беларускага боку прымуць удзел кіраўнікі Дзяржаўнага камітэта па стандартызацыі, Міністэрства лясной гаспадаркі, Міністэрства транспарту і камунікацый, Мінскага гарадскога тэхнапарку, прадстаўнікі Міністэрства замежных спраў, Міністэрства прамысловасці, Беларускай гандлёва-прамысловай палаты, Мінспорту, Мінфіна, Нацыянальнага агенцтва інвестыцый і прыватызацыі.

Камісія правядзе пасяджэнне ў фармаце рабочых груп па супрацоўніцтву ў галіне транспарту, у навукова-тэхнічнай і інавацыйнай сферах. Запланаваны пасяджэнні экспертных груп па пытаннях машынабудавання, энергетыкі, турызму, лясной гаспадаркі, стандартызацыі і метралогіі. Адбудуцца таксама перагаворы па лініі гандлёва-прамысловых палат дзвюх краін.

Па выніках работы бакі плануюць падпісаць пагадненне аб супрацоўніцтве паміж Мінскім гарадскім навукова-тэхналагічным паркам і Чэшскай асацыяцыяй навукова-тэхналагічных паркаў.

18 красавіка 2013, Мінск
Таццяна Паляжай - БЕЛТА

Ссылка на текущий документ: http://belarus.kz/aktueller/0-402/598/20657

Текущая дата: 19.11.2024