Следчы камітэт завяршае расследаванне крымінальнай справы аб беларускім філіяле МММ, паведаміў старшыня Следчага камітэта Валянцін Шаеў 24 студзеня на прэс-канферэнцыі ў Мінску.
Ён нагадаў, што справа распачата па артыкуле аб незаконнай прадпрымальніцкай дзейнасці (арт. 233 КК).
Паводле слоў Шаева, на сёння абвінавачанне выстаўлена шасці асобам. "Адна асоба знаходзіцца пад вартай, трое — пад залогам і да дзвюх асоб прыменена мера стрымання ў выглядзе дамашняга арышту", — паведаміў ён.
"Асноўная сутнасць гэтай справы заключаецца ў тым, што названыя асобы без дзяржаўнай рэгістрацыі і ліцэнзіі на ажыццяўленне банкаўскай дзейнасці займаліся ёю, атрымліваючы незаконны даход", — расказаў Шаеў.
Паводле яго слоў, расследаванне ў дачыненні да вышэйшых кіраўнікоў фінансавай піраміды "МММ-2011" будзе завершанае ў найбліжэйшы час.
Ці будзе выдзелена ў асобную вытворчасць "дзейнасць астатніх удзельнікаў гэтай піраміды", плануецца вызначыць пазней, сказаў старшыня СК.
Нагадаем, супрацоўнікі мінскага офіса "МММ-2011" былі затрыманыя спецслужбамі 16 сакавіка 2012 года. У дачыненні да іх КДБ распачаў справу па ч. 3 арт. 233 КК. Расследаванне было перададзенае ў Следчы камітэт.
На сустрэчы з журналістамі 27 красавіка тагачасны старшыня СК Валерый Вакульчык паведаміў, што ўрон ад дзейнасці "МММ-2011" у Беларусі ацэньваецца ў 800 млн. рублёў.
Паводле інфармацыі КДБ, каардынатар фінансавай піраміды і іншыя асобы, дзейнічаючы ад імя не зарэгістраванай у падатковых органах і органах мясцовай выканаўчай улады арганізацыі "МММ-2011", ажыццяўлялі на тэрыторыі Беларусі дзейнасць па прыёме ўкладаў і ставак на выйгрыш ад насельніцтва. Выплата працэнтаў па ўкладах або вяртанне ўкладзеных грашовых сродкаў з улікам агаворанага ўзнагароджання (выйгрышу) ажыццяўлялася членамі групы за кошт прыцягнення новых укладаў (ставак) грамадзян, якіх наўмысна ўводзілі ў зман адносна законнасці і эканамічнай мэтазгоднасці ўчынення падобных аперацый.
У выніку незаконнай дзейнасці кампаніі "МММ-2011" у фінансавыя махінацыі апынуліся ўцягнутымі некалькі тысяч грамадзян Беларусі. Асноўны кантынгент удзельнікаў фінансавай піраміды склалі маладыя людзі 1985—1990 гадоў нараджэння, незнаёмыя з дзейнасцю МММ пачатку 1990-х гадоў і яе негатыўнымі наступствамі для мільёнаў грамадзян.
Вячаслаў Будкевіч, БелаПАН
Мінск, 24 студзеня 2013
Паводле слоў Шаева, на сёння абвінавачанне выстаўлена шасці асобам. "Адна асоба знаходзіцца пад вартай, трое — пад залогам і да дзвюх асоб прыменена мера стрымання ў выглядзе дамашняга арышту", — паведаміў ён.
"Асноўная сутнасць гэтай справы заключаецца ў тым, што названыя асобы без дзяржаўнай рэгістрацыі і ліцэнзіі на ажыццяўленне банкаўскай дзейнасці займаліся ёю, атрымліваючы незаконны даход", — расказаў Шаеў.
Паводле яго слоў, расследаванне ў дачыненні да вышэйшых кіраўнікоў фінансавай піраміды "МММ-2011" будзе завершанае ў найбліжэйшы час.
Ці будзе выдзелена ў асобную вытворчасць "дзейнасць астатніх удзельнікаў гэтай піраміды", плануецца вызначыць пазней, сказаў старшыня СК.
Нагадаем, супрацоўнікі мінскага офіса "МММ-2011" былі затрыманыя спецслужбамі 16 сакавіка 2012 года. У дачыненні да іх КДБ распачаў справу па ч. 3 арт. 233 КК. Расследаванне было перададзенае ў Следчы камітэт.
На сустрэчы з журналістамі 27 красавіка тагачасны старшыня СК Валерый Вакульчык паведаміў, што ўрон ад дзейнасці "МММ-2011" у Беларусі ацэньваецца ў 800 млн. рублёў.
Паводле інфармацыі КДБ, каардынатар фінансавай піраміды і іншыя асобы, дзейнічаючы ад імя не зарэгістраванай у падатковых органах і органах мясцовай выканаўчай улады арганізацыі "МММ-2011", ажыццяўлялі на тэрыторыі Беларусі дзейнасць па прыёме ўкладаў і ставак на выйгрыш ад насельніцтва. Выплата працэнтаў па ўкладах або вяртанне ўкладзеных грашовых сродкаў з улікам агаворанага ўзнагароджання (выйгрышу) ажыццяўлялася членамі групы за кошт прыцягнення новых укладаў (ставак) грамадзян, якіх наўмысна ўводзілі ў зман адносна законнасці і эканамічнай мэтазгоднасці ўчынення падобных аперацый.
У выніку незаконнай дзейнасці кампаніі "МММ-2011" у фінансавыя махінацыі апынуліся ўцягнутымі некалькі тысяч грамадзян Беларусі. Асноўны кантынгент удзельнікаў фінансавай піраміды склалі маладыя людзі 1985—1990 гадоў нараджэння, незнаёмыя з дзейнасцю МММ пачатку 1990-х гадоў і яе негатыўнымі наступствамі для мільёнаў грамадзян.
Вячаслаў Будкевіч, БелаПАН
Мінск, 24 студзеня 2013
Ссылка на текущий документ: http://belarus.kz/aktueller/0-402/619/19099
Текущая дата: 18.11.2024