Пра гэта заявіў часовы павераны ў справах ЗША ў Беларусі Ітан Голдрыч.
Ён падкрэсліў, што прадстаўнікі абедзвюх партый "уважліва сочаць за развіццём сітуацыі ў Беларусі".
"Мы выстройваем нашы адносіны з любой краінай свету зыходзячы з пытанняў, характэрных для канкрэтнай краіны, — сказаў дыпламат. — Нашы адносіны з Беларуссю азмрочаныя спецыфічным аспектам — гэта наяўнасць палітзняволеных, якія працягваюць заставацца ў турмах".
Паводле слоў Голдрыча, вызваленне і аднаўленне ў правах усіх палітзняволеных — "неабходная ўмова для таго, каб вярнуцца на той шлях, які акрэслілі дзяржсакратар Хілары Клінтан і былы міністр замежных спраў Сяргей Мартынаў у сумеснай заяве ў снежні 2010 года".
"Тады яны сказалі, што большая павага дэмакратыі і правоў чалавека застаюцца цэнтральным пытаннем для паляпшэння двухбаковых адносінаў, і гэта важна як для Беларусі, гэтак і для яе грамадзян",— сказаў Голдрыч.
Размова ідзе пра сумесную заяву Клінтан і Мартынава, абнародаваную 1 снежня 2010 года на саміце АБСЕ ў Астане. У ёй бакі пацвердзілі прыхільнасць сваіх дзяржаў ядзернай бяспецы і ядзернаму нераспаўсюджванню.
Ітан Голдрыч таксама зазначыў, што на працягу двух гадоў пасля падзей 19 снежня 2010 года ЗША паслядоўна і ясна заяўлялі: яны "не вядуць торгу адносна вызвалення людзей, якія былі несправядліва змешчаныя ў турму".
"Наша палітыка ў дачыненні да гэтага пытання ясная: вызваленне і аднаўленне ў правах усіх палітычных зняволеных. Менавіта гэта дазволіла б нам вярнуцца на шлях паляпшэння двухбаковых адносінаў. Як вы ведаеце, па гэтым пытанні ў ЗША і Еўрасаюза адзіная пазіцыя і скаардынаваная палітыка", — зазначыў дыпламат.
Ён таксама заявіў, што ЗША "ўсяляк падтрымліваюць імкненне беларускага народа мець такі ўрад, які паважаў бы дэмакратычныя правы і асноўныя свабоды".
"У бліжэйшай перспектыве мы плануем аказаць значную падтрымку праграмам, нацэленым на стварэнне пляцоўкі для свабоднага выказвання палітычных поглядаў, прасоўвання правоў чалавека, падтрымку грамадзянскай супольнасці і свабоды СМІ. Мы таксама імкнемся аказваць падтрымку прадпрымальніцтву, прыватнаму сектару, неабароненым групам насельніцтва — такім, як, напрыклад, ахвяры гандлю людзьмі", — дадаў часовы павераны ЗША.
Таццяна Каравянкова, БелаПАН
Мінск, 28 снежня 2012
"Мы выстройваем нашы адносіны з любой краінай свету зыходзячы з пытанняў, характэрных для канкрэтнай краіны, — сказаў дыпламат. — Нашы адносіны з Беларуссю азмрочаныя спецыфічным аспектам — гэта наяўнасць палітзняволеных, якія працягваюць заставацца ў турмах".
Паводле слоў Голдрыча, вызваленне і аднаўленне ў правах усіх палітзняволеных — "неабходная ўмова для таго, каб вярнуцца на той шлях, які акрэслілі дзяржсакратар Хілары Клінтан і былы міністр замежных спраў Сяргей Мартынаў у сумеснай заяве ў снежні 2010 года".
"Тады яны сказалі, што большая павага дэмакратыі і правоў чалавека застаюцца цэнтральным пытаннем для паляпшэння двухбаковых адносінаў, і гэта важна як для Беларусі, гэтак і для яе грамадзян",— сказаў Голдрыч.
Размова ідзе пра сумесную заяву Клінтан і Мартынава, абнародаваную 1 снежня 2010 года на саміце АБСЕ ў Астане. У ёй бакі пацвердзілі прыхільнасць сваіх дзяржаў ядзернай бяспецы і ядзернаму нераспаўсюджванню.
Ітан Голдрыч таксама зазначыў, што на працягу двух гадоў пасля падзей 19 снежня 2010 года ЗША паслядоўна і ясна заяўлялі: яны "не вядуць торгу адносна вызвалення людзей, якія былі несправядліва змешчаныя ў турму".
"Наша палітыка ў дачыненні да гэтага пытання ясная: вызваленне і аднаўленне ў правах усіх палітычных зняволеных. Менавіта гэта дазволіла б нам вярнуцца на шлях паляпшэння двухбаковых адносінаў. Як вы ведаеце, па гэтым пытанні ў ЗША і Еўрасаюза адзіная пазіцыя і скаардынаваная палітыка", — зазначыў дыпламат.
Ён таксама заявіў, што ЗША "ўсяляк падтрымліваюць імкненне беларускага народа мець такі ўрад, які паважаў бы дэмакратычныя правы і асноўныя свабоды".
"У бліжэйшай перспектыве мы плануем аказаць значную падтрымку праграмам, нацэленым на стварэнне пляцоўкі для свабоднага выказвання палітычных поглядаў, прасоўвання правоў чалавека, падтрымку грамадзянскай супольнасці і свабоды СМІ. Мы таксама імкнемся аказваць падтрымку прадпрымальніцтву, прыватнаму сектару, неабароненым групам насельніцтва — такім, як, напрыклад, ахвяры гандлю людзьмі", — дадаў часовы павераны ЗША.
Таццяна Каравянкова, БелаПАН
Мінск, 28 снежня 2012
Ссылка на текущий документ: http://belarus.kz/aktueller/0-402/627/18652
Текущая дата: 18.11.2024