Расійскі "Внешэканомбанк" ("ВЭБ") ухваліў заяўку Міністэрства фінансаў Беларусі на выдзяленне крэдыту тэрмінам на 10 гадоў і аб`ёмам да 500 млн. долараў на фінансаванне авансавых плацяжоў па праекце будаўніцтва беларускай АЭС.
У інтэрв`ю РІА Новости намеснік старшыні "ВЭБ" Аляксандр Іваноў нагадаў, што ў лістападзе 2011 года ўрады Расіі і Беларусі падпісалі пагадненне аб выдзяленні дзяржаўнага экспартнага крэдыту ў аб`ёме да 10 млрд. долараў для будаўніцтва атамнай электрастанцыі на тэрыторыі Беларусі. Па гэтым пагадненні "ВЭБ" выступае агентам Мінфіна РФ.
"Адначасова Мінфін Беларусі запытаў у "Внешэканомбанку" крэдыт на фінансаванне авансавых плацяжоў па гэтым праекце — да 500 млн. долараў тэрмінам да 10 гадоў. Мы разгледзелі крэдытную заяўку і, улічваючы вялікую значнасць гэтага праекта для Расіі, прынялі станоўчае рашэнне. Схема выглядае наступным чынам: мы фінансуем здзелку разам з "Росэксімбанкам". Доля "ВЭБа" складае 460 млн. долараў, "Росэксімбанка" — 40 млн. долараў", — паведаміў Іваноў.
Паводле яго слоў, даччыны "Росэксімбанк" дасць дзяржгарантыю як забеспячэнне па гэтым крэдыце. Разлікі па крэдыце і маніторынг праекта будзе ажыццяўляць беларуская "дачка" "ВЭБа" — банк "БелЗЭБ".
Будаваць АЭС у Беларусі плануецца па расійскім праекце "АЭС-2006". Станцыя, якая размесіцца на Астравецкай пляцоўцы ў Гродзенскай вобласці, будзе складацца з двух энергаблокаў сумарнай магутнасцю да 2400 (2х1200) МВт. Першы блок АЭС плануецца ўвесці ў строй у 2017 годзе, другі — у 2018-м.
Міжурадавае пагадненне Беларусі і Расіі прадугледжвае выдзяленне Беларусі дзяржаўнага крэдыту для будаўніцтва АЭС тэрмінам на 25 гадоў і аб`ёмам да 10 мільярдаў долараў. Крэдыт выдаецца для фінансавання 90% кошту кожнага дагавору паміж расійскім "Атамбудэкспартам" і беларускай Дырэкцыяй будаўніцтва АЭС на пастаўку тавараў, выкананне работ і аказанне паслуг па будаўніцтве двух энергаблокаў станцыі. Выкарыстанне крэдытных сродкаў будзе ажыццяўляцца па меры падпісання дагавораў.
Таццяна Каравянкова, БелаПАН
Мінск, 13 снежня 2012
"Адначасова Мінфін Беларусі запытаў у "Внешэканомбанку" крэдыт на фінансаванне авансавых плацяжоў па гэтым праекце — да 500 млн. долараў тэрмінам да 10 гадоў. Мы разгледзелі крэдытную заяўку і, улічваючы вялікую значнасць гэтага праекта для Расіі, прынялі станоўчае рашэнне. Схема выглядае наступным чынам: мы фінансуем здзелку разам з "Росэксімбанкам". Доля "ВЭБа" складае 460 млн. долараў, "Росэксімбанка" — 40 млн. долараў", — паведаміў Іваноў.
Паводле яго слоў, даччыны "Росэксімбанк" дасць дзяржгарантыю як забеспячэнне па гэтым крэдыце. Разлікі па крэдыце і маніторынг праекта будзе ажыццяўляць беларуская "дачка" "ВЭБа" — банк "БелЗЭБ".
Будаваць АЭС у Беларусі плануецца па расійскім праекце "АЭС-2006". Станцыя, якая размесіцца на Астравецкай пляцоўцы ў Гродзенскай вобласці, будзе складацца з двух энергаблокаў сумарнай магутнасцю да 2400 (2х1200) МВт. Першы блок АЭС плануецца ўвесці ў строй у 2017 годзе, другі — у 2018-м.
Міжурадавае пагадненне Беларусі і Расіі прадугледжвае выдзяленне Беларусі дзяржаўнага крэдыту для будаўніцтва АЭС тэрмінам на 25 гадоў і аб`ёмам да 10 мільярдаў долараў. Крэдыт выдаецца для фінансавання 90% кошту кожнага дагавору паміж расійскім "Атамбудэкспартам" і беларускай Дырэкцыяй будаўніцтва АЭС на пастаўку тавараў, выкананне работ і аказанне паслуг па будаўніцтве двух энергаблокаў станцыі. Выкарыстанне крэдытных сродкаў будзе ажыццяўляцца па меры падпісання дагавораў.
Таццяна Каравянкова, БелаПАН
Мінск, 13 снежня 2012
Ссылка на текущий документ: http://belarus.kz/aktueller/0-402/633/18342
Текущая дата: 18.11.2024