Паводле яго слоў, трывалую стратэгічную пазіцыю Беларусь зойме, калі пабудуе апірышча ў трэцім свеце. Размова ідзе найперш пра Кітай, растлумачыў Лукашэнка. "Тут у нас ёсць важная перавага: Беларусь ужо некалькі гадоў разглядаецца як стратэгічны партнёр Кітая. Сёння мы павінны канверсаваць палітычныя перавагі ў эканамічныя", — заявіў беларускі кіраўнік.

Ён адзначыў, што ў паўднёвым паўшар`і Беларусь ужо "паспяхова замацоўваецца" на рынках не толькі Венесуэлы, але і суседніх краін Лацінскай Амерыкі. "Новыя намаганні трэба сканцэнтраваць на пранікненні ў Індыю, Паўднёва-Усходнюю Азію і, вядома, у Афрыку, дзе наша эканамічная прысутнасць пакуль недастатковая", — сказаў Лукашэнка.

Ён таксама дадаў, што апошнім часам акрэсліліся "сур`ёзныя зрухі" ў супрацоўніцтве з Турцыяй, Катарам, іншымі краінамі Персідскага заліва. "Гэты кірунак неабходна ўсяляк развіваць", — лічыць кіраўнік дзяржавы.

Добрыя перспектывы, на яго думку, можа мець супрацоўніцтва з Ізраілем, асабліва ў галіне высокіх тэхналогій і сельскай гаспадаркі. "Тым больш што ў гэтай краіне вельмі шмат выхадцаў з Беларусі, якія маглі б прывесці ў нашу краіну не толькі капіталы, але і найноўшыя тэхналогіі. Гэта людзі, якія шчыра любяць нашу краіну, і гэтым трэба карыстацца", — сказаў Лукашэнка.

Ён заклікаў органы дзяржкіравання "актыўна прабіваць дарогу беларускай прадукцыі і вытворчасці ў новыя рэгіёны свету". "Час, каб у замежных установах плячом да пляча з дыпламатамі працавалі прадстаўнікі нашых асноўных арыентаваных на экспарт галінаў", — заявіў беларускі кіраўнік.

Анастасія Янушэўская, БелаПАН
Мінск, 8 мая 2012

Ссылка на текущий документ: http://belarus.kz/aktueller/0-402/690/14049

Текущая дата: 16.11.2024