Беларускай эканоміцы неабходна "некаторая гнуткасць абменнага курсу", заявіў 6 красавіка падчас відэабрыфінгу кіраўнік місіі МВФ па Беларусі Крыс Джарвіс, адказваючы на пытанне пра неабходнасць дэвальвацыі рубля.
Паводле яго слоў, шэраг дзеянняў Нацбанка, уключаючы дазвол камерцыйным банкам выкарыстоўваць "найбольш дэвальваваны абменны курс", указваюць на прызнанне неабходнасці "больш гнуткага абменнага курсу". "Мы назіраем рух абменнага курсу ў межах плюс-мінус 8%. У сваю чаргу, узровень абменнага курсу залежыць ад мер эканамічнай палітыкі, якія рэалізуюцца ў яго падтрымку", — сказаў Джарвіс.
МВФ адзначае "некаторае пагаршэнне сітуацыі на валютным рынку". "Прадпрыемствы і насельніцтва скупляць валюту, ідзе перавод рублёвых дэпазітаў у валютныя", — адзначыў прадстаўнік фонду. Як заявіў кіраўнік місіі МВФ, прычына такой сітуацыі звязаная з тым, што пасля завяршэння рэалізацыі ўзгодненай праграмы дзеянняў з МВФ эканамічная палітыка ўлад была занадта мяккай. У прыватнасці, у мінулым годзе назіраўся празмерны рост крэдытавання — каля 40%, што значна больш за тэмпы росту ВУП і інфляцыі. Акрамя гэтага, бліжэй да канца года адбылося павышэнне заработнай платы. У выніку, адзначыў Джарвіс, сфарміраваўся "вельмі высокі дэфіцыт" рахунку бягучых аперацый.
МВФ лічыць неабходным для беларускіх улад скараціць дэфіцыт бюджэту, істотна паменшыць крэдытаванне ў межах дзяржаўных праграм, а таксама зрабіць больш жорсткай грашова-крэдытную палітыку, павялічыўшы працэнтныя стаўкі, каб яны былі большыя за ўзровень інфляцыі. Гэта, паводле меркавання экспертаў фонду, створыць стымул для насельніцтва несці грошы ў банкі.
Джарвіс адзначыў, што Нацбанк распачынае меры, каб не страціць валютныя рэзервы і адначасова з урадам сфарміраваць пакет эканамічных мер. "Мы бачым, што яны разумеюць сур`ёзнасць сітуацыі і важнасць хутчэйшага аднаўлення працы валютнага рынку", — сказаў кіраўнік місіі. Ён таксама лічыць, што Нацбанк з`яўляецца ў такой сітуацыі плацежаздольным, паколькі здолеў прадухіліць істотнае скарачэнне рэзерваў.
Паводле меркавання прадстаўніка МВФ, сістэмнага эканамічнага крызісу ў Беларусі няма. "Але ёсць сур`ёзныя эканамічныя праблемы, і важна, каб яны вырашаліся", — падкрэсліў Джарвіс.
Ён мяркуе, што Беларусь зможа ажыццяўляць свае плацяжы па знешнім доўгу і праблем з яго фінансаваннем не ўзнікне. "Відавочна, што гэта праблема непакоіць і замежных інвестараў, але, я думаю, яны павінны адчуць упэўненасць", — заявіў Джарвіс.
Аляксей Арэшка, БелаПАН
Мінск, 6 красавіка 2011
МВФ адзначае "некаторае пагаршэнне сітуацыі на валютным рынку". "Прадпрыемствы і насельніцтва скупляць валюту, ідзе перавод рублёвых дэпазітаў у валютныя", — адзначыў прадстаўнік фонду. Як заявіў кіраўнік місіі МВФ, прычына такой сітуацыі звязаная з тым, што пасля завяршэння рэалізацыі ўзгодненай праграмы дзеянняў з МВФ эканамічная палітыка ўлад была занадта мяккай. У прыватнасці, у мінулым годзе назіраўся празмерны рост крэдытавання — каля 40%, што значна больш за тэмпы росту ВУП і інфляцыі. Акрамя гэтага, бліжэй да канца года адбылося павышэнне заработнай платы. У выніку, адзначыў Джарвіс, сфарміраваўся "вельмі высокі дэфіцыт" рахунку бягучых аперацый.
МВФ лічыць неабходным для беларускіх улад скараціць дэфіцыт бюджэту, істотна паменшыць крэдытаванне ў межах дзяржаўных праграм, а таксама зрабіць больш жорсткай грашова-крэдытную палітыку, павялічыўшы працэнтныя стаўкі, каб яны былі большыя за ўзровень інфляцыі. Гэта, паводле меркавання экспертаў фонду, створыць стымул для насельніцтва несці грошы ў банкі.
Джарвіс адзначыў, што Нацбанк распачынае меры, каб не страціць валютныя рэзервы і адначасова з урадам сфарміраваць пакет эканамічных мер. "Мы бачым, што яны разумеюць сур`ёзнасць сітуацыі і важнасць хутчэйшага аднаўлення працы валютнага рынку", — сказаў кіраўнік місіі. Ён таксама лічыць, што Нацбанк з`яўляецца ў такой сітуацыі плацежаздольным, паколькі здолеў прадухіліць істотнае скарачэнне рэзерваў.
Паводле меркавання прадстаўніка МВФ, сістэмнага эканамічнага крызісу ў Беларусі няма. "Але ёсць сур`ёзныя эканамічныя праблемы, і важна, каб яны вырашаліся", — падкрэсліў Джарвіс.
Ён мяркуе, што Беларусь зможа ажыццяўляць свае плацяжы па знешнім доўгу і праблем з яго фінансаваннем не ўзнікне. "Відавочна, што гэта праблема непакоіць і замежных інвестараў, але, я думаю, яны павінны адчуць упэўненасць", — заявіў Джарвіс.
Аляксей Арэшка, БелаПАН
Мінск, 6 красавіка 2011
Ссылка на текущий документ: http://belarus.kz/aktueller/0-402/824/5793
Текущая дата: 17.11.2024