Брытанская кампанія Mіchael Page правяла апытанне, у якім прынялі ўдзел 3 тыс. чалавек ва ўзросце ад 18 да 45 гадоў. Палова з апытаных прызнала, што пік стрэсу прыпадае на сярэдзіну раніцы аўторка, калі навальваецца мноства задач. Гэта тлумачыцца тым, што панядзелак работнікі праводзяць у больш-менш расслабленым пасля выхадных стане, а вось у аўторак даводзіцца вырашаць усе праблемы, што ўтварыліся за гэты час, з чым звязаны і высокі ўзровень стрэсу.

Пры гэтым для 75 працэнтаў удзельнікаў даследавання спад наступае ўжо да 11:16 раніцы. Чатыры з дзесяці апытаных, карыстаючыся выпадкам, абвінавацілі ў стрэсах цяжкія нагрузкі, трое з дзесяці скардзяцца на начальства як крыніцу напружання, кожны шосты незадаволены няўважлівасцю калег. "Відаць, наша работа — асноўная прычына стрэсу ў жыцці. Нават дробязі накшталт завісання камп`ютара могуць выбіць з каляіны", — адзначаюць даследчыкі.

Звязда
1 лютага 2011

Ссылка на текущий документ: http://belarus.kz/aktueller/0-402/853/4152

Текущая дата: 27.12.2024