Новыя магчымасці для пашырэння і павелічэння продажаў спецтэхнікі Мінскага маторнага завода ў Расіі адкрываюцца дзякуючы ўнікальнай лізінгавай праграме, што з`яўляецца вынікам партнёрства ММЗ і АТ "Ашчадбанк Лізінг". 

"Дзякуючы гэтай праграме супрацоўніцтва з лістапада 2020 года расійскія спажыўцы могуць набываць кампрэсарныя станцыі, дызель-генератарныя і дызель-помпавыя ўстаноўкі розных мадыфікацый вытворчасці ММЗ у лізінг тэрмінам на 12 месяцаў з падаражэннем 0 працэнтаў", - адзначылі ў прэс-службе.

Партнёрская праграма дае магчымасць спажыўцам РФ набываць спецтэхніку без падаражэння пры ўмове заключэння дагавора на адзін год і сукупнай вартасці прадметаў лізінгу не меншай за 1 млн расійскіх рублёў. Нулявое падаражэнне забяспечваецца дзякуючы скідцы, прадастаўленай вытворцам, і праграме субсідзіравання ўрада Беларусі.

"Гэта праграма прызначана для комплексных паставак вялікім бюджэтным і муніцыпальным арганізацыям Расіі. Спецтэхніка, што падпадае пад дзеянне праграмы, шырока выкарыстоўваецца ў быце і на вытворчасці, пры будаўніцтве і эксплуатацыі будынкаў, дарожных работах, у медыцынскіх установах, сельскай і лясной гаспадарцы", - падкрэслілі ў ММЗ.

Чакаецца, што новы лізінгавы прадукт будзе вельмі папулярны. "За апошнія гады ўстойліва расце попыт на спецтэхніку Мінскага маторнага завода дзякуючы яе надзейнасці, прадукцыйнасці і высокай якасці ў спалучэнні з канкурэнтнай цаной. Магчымасць набываць гэту прадукцыю ў рамках партнёрскай праграмы з АшчадЛізінгам зробіць яе яшчэ больш даступнай і прывабнай для спажыўцоў Расіі", - дадалі ў прэс-службе.

АшчадЛізінг - лізінгавая кампанія, якая дынамічна развіваецца, цэнтральны офіс знаходзіцца ў Маскве, мае разгалінаваную рэгіянальную сетку, займае другое месца на рынку па аб`ёме новага бізнесу.

___________________________________________________

Мінскі маторны завод - вытворца сучасных дызельных, газадызельных, газапоршневых рухавікоў. Спецыялізуецца на распрацоўцы, праектаванні і вытворчасці сучасных трох-, чатырох-, шасці- і васьміцыліндравых рухавікоў. На заводзе выпускаецца больш за 100 мадыфікацый рухавікоў у дыяпазоне магутнасцей ад 7 да 330 кВт, прызначаных для ўстаноўкі на сельскагаспадарчую, дарожна-будаўнічую і лесаўборачную тэхніку, аўтамабілі і аўтобусы, энергаўстаноўкі, кампрэсары і іншыя агрэгаты. Рухавікі ММЗ пастаўляюцца на канвееры 49 прадпрыемстваў у Беларусі, Расіі, краінах СНД і далёкага замежжа, прадукцыя прадаецца ў больш як 40 краін Еўропы, Азіі, Афрыкі, Паўночнай і Лацінскай Амерыкі. Пры вытворчасці рухавікоў выкарыстоўваюцца камплектуючыя сусветна вядомых кампаній.

23 снежня 2020, Мінск
БЕЛТА