Мясцовыя органы ўлады ў кітайскіх правінцыях Гуансі, Цзянсу і Хэнань заявілі, што ў верасні навучэнцам не дазволяць вярнуцца ў школу, калі ўся іх сям’я не будзе цалкам вакцынавана.
«Тыя, каму яшчэ не зрабілі прышчэпку, павінны паспяшацца і зрабіць яе, каб не перашкодзіць вяртанню вашага дзіця ў школу», — гаворыцца ў аб’яве ў горадзе Бейлі правінцыі Гуансі.
У правінцыі Шэньсі таксама заявілі, што людзям неабходна прайсці вакцынацыю для наведвання грамадскіх месцаў, такіх як бальніцы, супермаркеты, рэстараны і забаўляльныя ўстановы.
У паўночнай правінцыі Хэбэй навучэнцы ва ўзросце ад 12 да 17 гадоў не змогуць вярнуцца ў школу, калі яны не будуць цалкам вакцынаваны.
Тэрміны абавязковай вакцынацыі адрозніваюцца ў кітайскіх гарадах, але ў большасці крайні тэрмін — канец ліпеня. Гэтыя аб’явы выклікалі негатыўную рэакцыю ў Інтэрнэце, карыстальнікі Сеткі назвалі іх несправядлівымі.
Кітай спадзяецца да канца года правакцынаваць 64% насельніцтва.
Звязда, 16 ліпеня 2021
Ссылка на текущий документ: http://belarus.kz/aktueller/0-410/10/60200
Текущая дата: 23.11.2024