Школьнікі Нью-Ёрка, апасаючыся за сваю бяспеку, носяць у школу агнястрэльную зброю, электрашокеры, пярцовыя балончыкі і кастэты. Паводле даных паліцыі горада, толькі з ліпеня па кастрычнік 2021 года ў навучальных установах было канфіскавана 787 адзінак зброі, што на 28 працэнтаў перавысіла паказчыкі 2018 і 2019 гадоў.

"Мы бачым, што тое, што адбываецца з нашымі маладымі людзьмі, сведчыць аб тым, што адбываецца ў горадзе ў цэлым. Яны не адчуваюць сябе ў бяспецы, калі ідуць у школу праз некалькі кварталаў", - паведаміў прадстаўнік гарадскога дэпартамента адукацыі Марк Рэмперсент.

У дэпартаменце мяркуюць, што гэта негатыўная тэндэнцыя выклікана эканамічнымі, медыцынскімі і эмацыянальнымі наступствамі пандэміі каранавіруса. "Пандэмія проста значна павысіла градус. Вынікам стаў даволі значны рост гвалту", - адзначыла Эліза Уайт, член даследчай групы, якая апытала сотні падлеткаў Нью-Ёрка.

8 лістапада 2021, Мінск
БЕЛТА