Як паведамілі ў прэс-службе беларускага МЗС, 11 жніўня ў дзяржаўным педагагічным універсітэце імя С.Айні адбылося афіцыйнае адкрыццё выставы-кірмашу. Мерапрыемства арганізавана пасольствам Беларусі ў Таджыкістане, міністэрствамі адукацыі Беларусі і Таджыкістана. 

Выступаючы на адкрыцці мерапрыемства, пасол Беларусі ў Таджыкістане Вольга Гаўрук адзначыла, што "выстава дасць унікальную магчымасць выпускнікам школ азнаёміцца з беларускімі ВНУ, выбраць будучую спецыяльнасць і прафесію, прайсці гутарку і стаць адным са студэнтаў вышэйшых навучальных устаноў Беларусі". 

Выстава-кірмаш завершыць сваю працу 13 жніўня.

Мінск, 13 жніўня 2015

Марына Носава, БелаПАН